VOV4.K'Ho- Di ngai Dunia cau ùr (08/3) mờ ntàu tam lơh Hai Bà Trưng, poh lài, Củ tịc Quôk hội ồng Vương Đình Huệ neh tìp mat ùr kwang bàng Quôk hội lơh broă mìng dồ kơnòl broă ala mat tàm dà lơgar mờ ùr đơng lam bồ, atbồ kâp vụ bơh Cơldŭ lơh broă Quôk hội, Viện Kơlôi sơnơng lơh adat boh lam dê.

VOV4.K'Ho - Drim ngai 08/3, Phó Thủ tướng ồng Trần Lưu Quang đơng lam dơ̆ pơrjum pờ tơlik tàm internet mờ ală càr, ƀòn dờng bè broă lam lơh ală broă lơh jơnau kờñ dà lơgar nam 2023 mờ 2 nhai bồ nam 2024, kơnòl broă, broă lơh tờm tàm tơngai tus.

VOV4.K’Ho- Drim òr (07/03), tềng đăp mờ broă đơng lam bơh Củ tịc Quốk hội ồng Vương Đình Huệ, Ủy ƀan Thường vụ Quốk hội bơyai lơh Pơrjum gùt lơgar dơ̆ bàr lơh jăt adăt, nghị quyết bơh Pơrjum dơ̆ 6 mờ Pơrjum ni sơna dơ̆ 5, Quốk hội khoă XV. Pơrjum geh bơyai lơh tàm Hìu Quốk hội mờ geh tơrbŏ bal tàm internet tus 63 càr, ƀòn dờng tàm gùt lơgar.

VOV4.K’Ho- Mho ngai 06/03, tàm Hìu lơh broă Quôk hội, Phó Củ tịc duh broă sùm Quôk hội ồng Trần Thanh Mẫn đơng lam pơrjum iăt, kơno, mblàng lơh loh bè jơnau rcang cih Adat Bảo hiểm xã hội (tam gơl).

VOV4.K'Ho - Git nền tam gơl wơl sră pơ àr gơnoar atbồ là “bơta tờm” nàng sền sơ wì khà niam nùs, bơta kơp kờñ làng bol, mpồl lơh sa kă bro dê, uă càr, ƀòn dờng neh geh ală broă lơh is nàng tơnguh uă sơñio khà do. Bơh hơ̆, pơgồp bơnah bơt bơtàu dùl rài lơh broă sră pơ àr gơnoar atbồ đềt mềr, tài làng bol mờ drơng lơh.

VOV4.K’Ho- Ƀòn dờng Buôn Ma Thuột, càr Dăk Lăk neh tă 3 tơmàn 500 tơlăk đong bơh kes priă nàng dong kờl hòi jà ală cau jăk, cau khoa họk, cau geh bơta jăk krơi is tàm ală gah broă bè: kông nghệ thông tin, lơh sa suơn sre kông nghệ kao, broă lơh drơng ala lòt nhơl, rơndăp ù tiah tiah drà, bơ̆t bơtàu-ai geh gùng dà broă lơh dà lơgar dê.

VOV4.K’Ho- Bơh bồ nam tus tŭ do, geh rlau 600 mpồl lơh sa kă bro dan cih mat tus bal jòi cau lơh broă tàm càr, mờ khà cau rlau 10 rơbô nă.

VOV4.K'Ho- Lơh jat jơnau đơng lam bơh Thủ tướng Cíñ phủ dê, lồi poh lài, tàm ƀòn dờng Pleiku, càr Gia Lai, Cíñ phủ bơyai lơh Pơrjum bơtàu tơnguh lơh sa – mpồl bơtiàn gơ jat bal mờ sền gàr lơngăp lơngai, sền gàr dà lơgar tàm ù tiah Tây Nguyên. Phó Thủ tướng Cíñ phủ Trần Lưu Quang, Củ tịc Mpồl duh broă bơto pơlam lơh broă tiah Tây Nguyên; Đại tướng Tô Lâm - Ƀộ trưởng Ƀộ Kwang àng mờ Ƀộ trưởng Ƀộ Kế hoạc mờ Đầu tư Nguyễn Chí Dũng, Phó Củ tịc Duh broă sùm Mpồl duh broă bơto pơlam lơh broă tiah Tây Nguyên đơng lam pơrjum.

VOV4.K’Ho- Sền gròi jòi gĭt cau, geh broă rơndăp lơh bơto bơtê, tề lam ală làng bol jak chài ngan nàng tơmut Đảng tàm ơruh pơnu rcang lài lòt ling in là broă lơh geh kwơ ngan bơh uă kấp ủy, gơnoar atbồ ală tiah dê tàm tơngai sac rơwah ling nam do dê, nàng kờñ lơh geh cau lơh kwang bàng mpồl ling klàng làng bol griăp ƀòn, rcang lài lòt ling tàm ală tiah dê. Kơnờm bơta sền gròi hơ̆, geh ală ơruh pơnu neh chờ hờp ngan geh ơm tàm mpồl Đảng lài mờ tŭ lòt ling lơh kơnòl broă ling klàng nam do dê, lơh geh bơta gơn kơnờm nàng ơruh pơnu in tă pơgồp dà kơl hề rơnàng kơnòm să dê ai broă lơh sền gàr, bơt bơtàu Dà lơgar.

VOV4.K’Ho- Mho ngai 28/02, tàm Hìu lơh broă Cíñ phủ, Phó Thủ tướng Cíñ phủ Trần Lưu Quang đơng lam pơrjum dơ̆ 1 Mpồl đơng lam lơh jat rơndăp tăp sèng mpồl lơh broă sră nggal gơnoar atbồ kấp kơnhoàl, kấp xã tơngai bơh nam 2023-2030. Kờp dŭ tơnơ̆ rơndăp tăp sèng rơ̆p gơmù gam 633 mpồl lơh broă sră nggal gơnoar atbồ kấp kơnhoàl, kấp xã.