Tŭ do, măi mok yal tơnggit jơnau kâp hơđơm tàm càr Lâm Đồng rơhời geh bơcri priă lơh pa, lơh niam jat gùng dà pa ngan. Gùt càr geh 94 anih pờ tơlik jơnau đơs kâp sàh. Uă sàh neh lam lơh pờ tơlik jơnau đơs ngac ngar, ngui măi mok tam gơl sră pơ àr gơ gơs sap đơs, dong kờl dà kòn cau.

Bulah bè hơ̆, pơrjum kung đơs tus uă bơta ờ niam bè phan bơna măi mok yal tơnggit jơnau tàm bàr pe tiah ờ hềt ndrờm bal; ală anih pờ tơlik jơnau đơs ngui măi mok yal tơnggit jơnau - viễn thông ờ hềt geh tàm làm jơh ală tiah; phan bơna internet tàm tiah sar lơgar ngài gam ờ hềt tơl. Anih duh broă làng bol càr Lâm Đồng sồr ală sờh, gah broă lơh, ƀòn lơgar pơn jat tai lơh pràn tam gơl sồ tàm broă lơh yal tơnggit jơnau ƀòn lơgar; ai lài bơcri priă, lơh niam phan bơna măi mok jat gùng dà ndrờm bal mờ pa; rề ơnàng anih pờ tơlik jơnau đơs ngui măi mok yal tơnggit jơnau - viễn thông; mờ kung sền gròi tus pồ tơl, bơto bơtê mpồl kwang bàng drơng kơnòl măi mok yal tơnggit jơnau mờ tam gơl sồ tàm ƀòn lơgar.