Bơh sền nền wơl, gùt càr geh 44 hìu bơnhă gơ wèt hìu bơnhă geh dong kờl, geh 24 nơm hìu lơh pa mờ 20 nơm hìu lơh niam wơl. Đại tá Đinh Văn Hưng, Chính ủy Gah đơng lam Ling klàng càr Dăk Lăk pà git, bơdìh mờ bơta dong kờl jat jơnau sồr bơh Dà lơgar dê, mpồl phàu crong càr lơh ngan hòi jà tai tă pơgồp priă jền nàng tơnguh khà dong kờl gơguh tus 100 tơlak đong gơ wèt mờ hìu lơh pa mờ 50 tơlak đong gơ wèt mờ hìu lơh niam wơl.

Đơs tàm dơ̆ sơn đờm lam lơh, ồng Đào Mỹ, Phó Chủ tịch Anih duh broă Làng bol càr Dăk Lăk đơs sùm, do là broă lơh geh kuơ bè chính trị, niam chài kòn bơnus uă ngan, ai tơnggŏ bơta kah ưn ngài gơ wèt mờ ală hìu bơnhă geh màng mờ dà lơgar; mờ kung sồr ală mpồl lơh broă geh gơ rềng pơgồp bal nền nòn, gàr lơh gơs di tŭ tơngai hơ pơrgon, di cau geh dong kờl mờ di jơnau sồr.