Jat gùng dà broă lơh pa, càr Gia Lai rơp dong kờl tơn dùl dơ̆ gơ wèt mờ cau jơi bơtiàn dồ êt nă cau gơ wèt hìu bơnhă rƀah, hìu bơnhă ndrờm bè cau rƀah geh jơnau kờñ bè ù ơm mờ ù lơh sa. Gơwèt mờ ù ơm, ală cau ờ hềt geh halà ờ tơl ù ơm rơp geh sền swì jàu ù halà ai gơnoar tam gơl jơnau kờñ ngui ù tàm khà geh ai jat jơnau sồr. 

Bè ù lơh sa suơn sre, ală hìu bơnhă geh bă ù tam phan hơ đơm 50% khà geh ai jat jơnau sồr rơp geh sền swì jàu bơ tơl ù lơh sa suơn sre ờ sa priă ngui ù. Jơnau lơh nền tàm pơrjum dơ̆ do dong lơh gơlik bơta ring bal gùng dà broă lơh tàm gùt càr, mờ kung pơgồp bơnah tă bơsong ală bơta kal ke bè ù tiah, lơh gơlik bơta niam nàng làng bol in iang nùs ơm kis, bơtàu tơnguh lơh sa, lam lơh geh cồng nha jơnau kờñ tơrmù rƀah kơ̆ kơljap jŏ jòng sùm.