Broă lơh hìu do dờng ơnàng rơlao 220 thơ̆k vuông, bă ù ngui rơlao 440 thơ̆k vuông, geh lơh kơl jăp mờ bơnàng tuh bê tông lòs, gơlik gùt dar geh lơh mờ lòs mờ rồm ñhoa pleh mờ dà cò, di pal mờ jơnau kờñ ntrờn, ơm tơrgùm bal ai làng bol in tŭ gơtìp trồ tiah lơh aniai.

Kờp jơh priă tă lơh mờr 1 tơmàn 500 tơlăk đong bơh priă tă gùt mpồl bơtiàn dê, kờp dŭ geh lơh gơs tàm nhai 9 nam 2026. Broă lơh hìu do pơgồp bal tàm broă tơnguh uă bơta pràn rơcang lài tam dră mờ rềs àr bơh trồ tiah tàm ƀòn lơgar dê, pơn jăt tai cồng nha bơh Broă lơh dờng Quang Trung neh dong kờl lơh pa, lơh niam wơl hìu ơm ai làng bol in tơnơ̆ mờ dà tih dà cò. Mìng is tàm sàh Hoà Thịnh, rơlao 100 nơm hìu kơl jăp neh geh lơh ai ală hìu nhă neh geh hìu gơtìp tơrlah ha là dà cò pơrdô in.