VOV.K'Ho- Càr Dăk Lăk tơrgùm lơh mhar broă lơh ală hìu bơsram ơm sa bic tơn bàr kấp tàm ală sàh tiah nhàr lơgar mờ tiah rềp bal tiah nhàr lơgar dê, lơh ngan lơh gơs, ai ngui lơh broă lơyài ngan lài mờ ngai 30 nhai 8 nàng drơng tàm nam bơsram pa 2026-2027 in.

VOV.K’Ho- Pa do, tàm Dar pơrjum dơ̆ 4, bal mờ broă lơh bơt bơtàu adat boh lam, Anih duh broă Lơh kơnòl broă sùm Quốc hội neh sền swì Jơnau yal broă lơh làng bol kơp kờñ nhai 6 nam 2026 mờ uă tơngume gơ rềng tơn tus rài kis làng bol. Bơh bơto bơsram, kloh niam ờdo ờdă phan sa, rơcang lài kơryan cau tìs, atbồ drà kă bro tus bơsong jơnau lùp, yal yă… ndrờm là ală broă geh cau tĕ khà tàm uă ƀòn lơgar yal wơl tàm tơngai lài.

VOV.K'Ho- Tàm ală ngai gùt lơgar wèt tus tơnkah 79 nam Ngai Cau ling sồt să – Cau chơ̆t màng, tàm càr Dăk Lăk, ală hìu pa geh lơh gơs nàng pà ai ală cau kòn tờm cau lơh broă tàm rài tam lơh gơtìp sơnơm khih lơh aniai in. Tơl nơm hìu là phan pà ưn ngài geh uă nùs nhơm niam, pơgồp bal tàm broă tơrmù ală bơta roh rui tài tam lơh mờ lơh geh tai nùs nhơm pin dờn nàng ală hìu nhă kơl jăp mŭt tàm rài kis.

VOV.K'Ho- Rài tam lơh neh lòt ngài, mơya ală roh rui mờ jơnau gơlời wơl kung gam sơl mpờl gŏ sùm tàm rài kis bơh uă hìu bơnhă cau geh dà kơlhề mờ kăc màng dê tàm càr Gia Lai. Lơh jăt jơnau lơh nền bơh Chính phủ dê bè dong kờl tơn jơh hìu ing, hìu ồm sèt ñhăt dà mìu ai kòn deh bơh cau lơh broă lòt tam lơh dră wơl mờ cau sò tơm gơtìp bơtờp sơnơm khih hoá họk, ală ngai do, kwang bàng, cau ling mpồl phàu crong gam sơm băt tê bal lơh gơs ală rơkàng hìu nùs nđàc, pơgồp bơnah kah rơngal ală cau neh phi să, tă pơgồp dà kơlhề tài lơngăp lơngai is, khăt gơboh is bơh Dà lơgar dê in.

VOV.K'Ho- Kwang àng càr Lâm Đồng pa pơgồp bal mờ ală mpồl lơh broă gơrềng bal dờp rơlao 1 rơbô 500 mẫu ADN bơh cau pròc mhàm cau chơ̆t màng nàng bơ̆t bơtàu anih yal tơngit dà lơgar drơng tàm broă đal git măt ƀồc ntìng cau chơ̆t màng ờ hềt git loh jơnau tơngit.

VOV.K'Ho- Rlau 300 nă cau ala mat geh màng mờ dà lơgar pơn rơ jak ngan ala mat ai gĭt nđờ tơlak nă cau ling sồt să, cau ling kòp tê jê să, cau pròc mhàm cau ling chơ̆t màng mờ cau geh màng mờ dà lơgar tàm gùt kơnhoàl ù tiah Dà lơgar dê tus bal mờ pơrjum.

VOV.K’Ho- Di dơ̆ tơnkah 79 nam ngai Cau ling sồt să - Cau ling chơ̆t màng (27/7), Anih duh broă Làng bol càr Dăk Lăk neh lam uă mpồl lòt lùp còp, pơndờm pơnđiang mờ jàu pà ală bơnah phan pà geh kwơ ai ală cau cíñ sác (hơ̆ là ală cau dờp bơta dong kờl mpồl bơtiàn) tàm ù tiah gùt càr in.

VOV.K'Ho- Di tàm dơ̆ do, càr Dăk Lăk neh lam lơh broă dong kờl lơh tai 300 nơm hìu Tam klăc dờng ai hìu rơƀah, hìu pa lik klàs rơƀah in.

VOV.K'Ho- Lơh jăt Jơnau lơh nền tàm pơrjum sồ 1719 bơh Thủ tướng Chính phủ dê bè Broă lơh jơnau kờñ dà lơgar bơtàu tơnguh lơh sa mpồl bơtiàn tiah làng bol jơi bơtiàn ờ gal cau mờ tiah bơnơm tơngai bơh nam 2021 tus 2030, càr Lâm Đồng neh tơrgùm sền wơl, ai tơngŏ jơnau kờñ bơcri priă lơh ală broă lơh jal mhar tàm nam do nàng tơnguh uă rài kis làng bol tàm tiah làng bol jơi bơtiàn ờ gal cau mờ tiah bơnơm.

VOV.K’Ho- Tàm dar lùp mờ hơ jơnau lùp Dơ̆ pơrjum dơ̆ 2, Mpồl duh broă Làng bol càr Dăk Lăk khoă X tơrgùm tàm uă broă (duh) hơ̆ broă geh sền gròi uă, tàm hơ̆ pơnrơ ngan là broă lơh niam wơl anih bơcri priă, kă bro, dong kờl mpồl lơh sa kă bro bơtàu tơnguh wơl mờ lơh gơlik bơta gơn kơnờm gơguh lơh sa.