VOV4.K'Ho- Lài mờ pơrjum dơ̆ 9, Quôk hội khoă XV, cau tĕ khà ală càr Tây Nguyên ai tơnggŏ bơta sền gròi uă ngan tus ală broă dờng bơh dà lơgar dê, tàm hơ̆ pơnrơ là broă lơh rơndap tap sèng mpồl cau lơh broă sră pơ àr gơnoar ătbồ dê tơrmù dipal, geh cồng nha mờ broă lơh ngui jak chài măi mok jat ală Jơnau neh lơh nền tàm pơrjum kuơmàng bơh dà lơgar dê.

VOV4.K’Ho- Tus ngai 11/04, càr Kon Tum neh lơh pa, lơh niam wơl geh 1 rbô 928 nơm hìu dong ală hìu làng bol kơ̆ kơl jăp anih ơm, iang nùs lơh broă lơh sa.

VOV4.K’Ho- Bơh ală nam nhai tam lơh bòl glar kal ke tus rài ring lơngai àng gơ crà, rùp hìn cau ling Wa Hồ kung gam là rùp pơrya dờng màng, ờ tŭ lơi chơ̆t tàm hwềng nùs bơh làng bol Việt Nam dê. Wèt tus tơngkah kir sơnrai 50 nam tơngklàs tiah đah Jum Dà lơgar, pa do tàm jơh gùt lơgar neh geh bơyai lơh ală broă lơh cribơyai cíñ trị đơs crih tam ya dờng ngan. Bơh hơ̆ tơngŏ nùs nhơm kah ưn ngài uă ngan gơwèt mờ ală cau ling nam lài do dê- ală cau neh cih gơs jơnau đơs crih tơrgùm dùl Dà lơgar mờ bal mờ mhàm mờ bơta pin dờn.

VOV4.K’Ho- Mho ngai 08/04, Tỉñ đoàn càr Dăk Lăk bơyai lơh Pơrjum tơn jơh Nhai ơruh pơnu nam 2025. Bal mờ uă ngan broă lơh geh kwơ ngan rềp mềl ngan mờ rài kis pah ngai, nhai ơruh pơnu nam do, rơnàng kơnòm să Dăk Lăk neh tă pơgồp priă jền, ngai lơh hìu, sơm băt tê bal lơh mờ jàu 32 nơm hìu dong ală cau kal ke in.

VOV4.K'Ho- Kờp tus ngai 03 nhai 4 neh geh mờr 1 rơbô 900 hìu làng bol tàm càr Kon Tum mờ mìng là làng bol jơi bơtiàn ờ gal cau neh lik klàs mờ bơta pal ơm kis tàm ală hìu sèt, hìu ồm ñhăt dà mìu, kơnờm bơh broă lơh tơn jơh hìu sèt geh lơh mhar.

VOV4.K’Ho- Mho ngai 03/04, Mpồl jăt sền bơh Anih duh broă Lơh kơnòl broă sùm Quôk hội dê neh lơh broă mờ Anih duh broă Làng bol càr Dăk Lăk bè broă lơh jăt broă dong kờl, kơrnoăt boh lam bè bơtàu tơngguh mờ ngui mpồl cau lơh broă lơh geh jơnau kờñ bơtàu tơngguh lơh sa- mpồl bơtiàn.

VOV4.K’Ho- Ngai òr (31/03), tàm ƀòn dờng Nha Trang, càr Khánh Hoà geh bơyai lơh “Pơrjum jơh gùt lơgar bơsram, lam lơh bàr pe sră nggal pa bơh Mpồl Đơng lam Đảng Dà lơgar dê bè broă lơh jơi bơtiàn, pin dờn jat Yàng.

VOV4.K’Ho- Poh lài, tàm Hìu Quôk hội geh lơh Pơrjum cau ala măt Quôk hội lơh broă mờng lơh dùl kơnòl broă dơ̆ 07, nàng cribơyai bè ală rơndăp broă lơh adăt yal mờ Quôk hội in tàm Dơ̆ pơrjum dơ̆ 09, Quôk hội khoă XV. Tàm pơrjum, ală Cau ala măt Quôk hội neh tơrgùm cribơyai jrô, di, rơgeh ală broă cau tĕ khà mờ làng bol sền gròi, tàm hơ̆ geh ală broă jơnau cih bơh kơrnoăt boh lam dê tàm rài tam gơl sồ.

VOV4.K’Ho- Tàm sàh Đăk Blà, ƀòn dờng Kon Tum, càr Kon Tum, Ƀộ Kwang àng pa pơgồp bal mờ càr Kon Tum bơyai lơh Dơ̆ lik lòt sơnđờm dồ ròt lơh tơn jơh hìu ing, hìu ồm sèt ñhăt dà mìu tàm ù tiah ală càr Tây Nguyên.

VOV4.K’Ho- Tus ngai òr (23/03), càr Kon Tum neh lơh pa mờ lơh niam wơl geh 1 rơbô 643 nơm hìu tàm kờp jơh 2 rơbô 752 nơm hìu lơh kơ̆ kơl jăp.