VOV.K'Ho- Củ tịc Quôk hội ồng Trần Thanh Mẫn đơs nền, tus tơngai tŭ do, broă lơh rcang ai pơrjum dơ̆ 1, Quôk hội khoă XVI in sền bal neh geh rcang tơl làm đau, nền nòn, jat nền gùng dà broă lơh, gùng dà pơlam dờng bơh Đảng dê, jơnau sồr bơh bơta geh ngan mờ jơnau sồr bơh adat boh lam dê.

VOV.K’Ho- Ƀí thư Tỉñ ủy càr Dăk Lăk ồng Lương Nguyễn Minh Triết pa lòt sền mùl màl ală bă tiah kờp dŭ lơh hìu pơrjum mpồl bơtiàn pơgồp bal mờ rơcang lài drơng, pleh dà tih dà lìu tàm sàh Hòa Mỹ mờ Hoà Thịnh.

VOV.K’Ho- Mpồl duh broă Tĕ khà Dà lơgar pa yal Jơnau lơh nền tàm pơrjum bơh Mpồl duh broă Tĕ khà Dà lơgar dê bè cồng nha tĕ khà mờ mat ală cau geh pồ gơkờn cau ala mat Quôk hội khoă XVI. Dơ̆ tĕ khà geh đơs geh lơh làng bol lơh tờm, di adat boh lam, niam lơngăp lơngai, tềm pềr mờ lơh geh cồng nha niam bơnĕ, ngan ngồn là Ngai chờ dờng bơh jơh gùt làng bol dê.

VOV.K’Ho- Lơh jat Jơnau sồr lơh bơh Ƀộ Cíñ trị dê, bal mờ 121 hìu bơsram tàm gùt lơgar, Tây Nguyên - Tiah đah jum tàm gùl lơgar dơ̆ lĕ bal sơn đờm lam lơh Hìu bơsram Bal ơm sa bic tơn ală kâp Dùl mờ Bàr tàm sàh nhàr lơgar ù gờl. Broă do cèng bơta kuơ cíñ trị, mpồl bơtiàn mờ niam chài kòn bơnus uă ngan, ai tơnggŏ bơta sền gròi bơh Đảng, Dà lơgar dê tàm broă bơcri priă bơtàu tơnguh bơto bơsram tàm ală sàh tiah nhàr lơgar, wèt tus bơtàu tơnguh mpồl cau lơh broă tàm ƀòn lơgar mờ gàr tiah nhàr lơgar dồ bă kơnhăp kơ̆.

VOV.K’Ho- Ngai òr (17/03), tàm dơ̆ lơh broă mờ mpồl lòt sền bơh Ƀộ Priă jền dê bè lơh jat ai càn priă dong kờl jat Jơnau lơh nền sồ 78 bơh Cíñ phủ dê nam 2002, càr Dăk Lăk dan tơnguh khà ai càn priă gơwèt mờ hìu bơnhă rƀah, kơnòm bơsram- cau bơsram dờng; mơkung pờ ơnàng cau ai càn priă lòt lơh broă hờ lơgar ndai.

VOV.K’Ho- Ngai òr (15/03), mờr 2 tơlak 600 rơbô nă cau tĕ khà bơh càr Gia Lai dê neh lòt đùh sră pồ cau ala mat Quôk hội khoă XVI. Gal ngan cau tĕ khà neh ai tơnggŏ bơta sền gròi, mờ kung pơyua uă bơta kơp gơn tàm ală cau ala mat Quôk hội tơngai lơh broă pa.

VOV.K’Ho- Ngai tĕ khà cau ala mat Quôk hội khoă XVI mờ Mpồl duh broă Làng bol ală kâp tơngai lơh broă bơh nam 2026 tus nam 2031 gam tus rềp ngan. Tàm càr Dăk Lăk, jơh 102 sàh, sơnah ƀòn gam jal mhar lơh sir broă rơcang, bơh phan bơna tus broă rơndap lơh bơyai lơh, gàr niam bơta crăp rơcang ai ngai chờ bơh cau tĕ khà dê in. Bal mờ hơ̆, broă lơh mblàng yal geh lơh pràn, hòi jà rlau 2 tơlak 420 rbô nă cau tĕ khà ngac ngar sac rơ wah ală cau ala mat geh tơl nùs nhơm niam, tơl bơta jak chài, dipal ala mat ai nùs nhơm mờ bơta kơp kờñ he dê.

VOV.K’Ho- Wèt tus mờ dơ̆ tĕ khà Cau ala mat Quôk hội khoă XVI mờ Cau ala mat Mpồl duh broă Làng bol ală kấp, tơngai lơh broă bơh nam 2026–2031, tàm tiah nhàr lơgar càr Gia Lai, mpồl ling sền gàr tiah nhàr lơgar bal mờ ală anih lơh broă cíñ trị mờ ală rơnàng làng bol ndrờm tơngŏ bơta pin dờn mờ nùs nhơm geh kơnòl dờng. Ală tiah neh rcang niam ngan nàng jơh ală cau tĕ khà tiah nhàr lơgar ndrờm geh tus bal Ngai chờ dà ia brê bơnơm dà lơgar.

VOV.K'Ho- Nam 2026, broă lơh tăc phan mờ lơgar ndai bơh lơgar Việt Nam ơm tềng đăp jơnau sồr ờ mìng lơh geh wơl tơnơ̆ ală tam gơl jŏ jòng bơh lơh sa gùt plai ù dê lơm mờ gam pal lơh geh ală khà gơguh tai pa gơcèng bơta kơnhăp jŏ mờ jòng tơngai. Jăt ală cau gĭt wă jrô, lơh broă tăc phan mờ lơgar ndai pal pơn jăt tai lơh niam gơnoar broă là gơn kơnờm tờm, mơkung tam gơl pràn bơh gơguh tai jăt tăc uă phan tus gơguh tai jăt priă lơh geh uă, cồng nha mờ kơnhăp jŏ, pơn jăt bal mờ tơngguh uă priă jền gơguh tai, khà bơnah măy mŏk mờ pràn jak rơcăng lài is bơh rài lơh sa dê.

VOV.K’Ho- Ală ngai do, tàm càr Dăk Lăk, broă lơh mblàng yal bè dơ̆ tĕ khà cau ala mat Quôk hội khoă XVI mờ cau ala mat Mpồl duh broă Làng bol ală kâp, tơngai lơh broă bơh nam 2026 tus nam 2031 geh lam lơh ndrờm bal, dipal mờ bơta krơi is bơh tơl tiah dê. Tàm ală ƀòn jat yàng Bàp mờ tiah geh gal cau tĕ khà là cau jơi bơtiàn dồ êt nă cat, jơnau yal tơnggit geh mblàng mờ uă broă lơh, gàr làng bol git di mờ tơl làm bè gơnoar mờ kơnòl he dê.