Ngai òr (20/07), tàm sơnah ƀòn Tuy Hoà, Anih duh broă Mặt trận Dà lơgar Việt Nam càr Dăk Lăk neh bơyai lơh tơn jơh broă lơh 475 nơm hìu Tam klăc dờng bơh priă dong kờl 38 tơmàn đong bơh ƀòn dờng Đồng Nai, ală mpồl lơh sa kă bro mờ Cau ling sền gàr tiah nhàr lơgar dê.

Di tàm dơ̆ do, càr Dăk Lăk neh lam lơh broă dong kờl lơh tai 300 nơm hìu Tam klăc dờng ai hìu rơƀah, hìu pa lik klàs rơƀah in. Priă lơh do geh tă bơh priă dong kờl bơh ồng Tô Lâm, Tổng Bí thư, Chủ tịch lơgar jào pà Kes priă “Tài cau rơƀah” càr in. Tơl nơm hìu rơ̆p dờp 80 tơlăk đong. Nàng tơrmù kal ke broă ai càn lài priă ală hìu nhă in, càr rơ̆p rơcang hòi jà tai priă bơh cau pròc mhàm, mpồl lơh sa kă bro mờ mpồl bơtiàn dê. Broă lơh do geh nùs nhơm niam bơnĕ ngan, ai geh anih kơl dìng kơl jăp nàng dong kờl ală hìu gơtìp kal ke in geh hìu ơm niam nàng iang nùs lơh broă sa, pơgồp bal tàm broă lơh mhar jơnau kờñ tơn jơh hìu sèt, hìu ồm ñhăt dà mìu tàm càr dê.