Càr Lâm Đồng ai broă lơh jal mhar drơng rài kis làng bol jơi bơtiàn ờ gal cau in
Thứ hai, 13:14, 20/07/2026
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV.K'Ho- Lơh jăt Jơnau lơh nền tàm pơrjum sồ 1719 bơh Thủ tướng Chính phủ dê bè Broă lơh jơnau kờñ dà lơgar bơtàu tơnguh lơh sa mpồl bơtiàn tiah làng bol jơi bơtiàn ờ gal cau mờ tiah bơnơm tơngai bơh nam 2021 tus 2030, càr Lâm Đồng neh tơrgùm sền wơl, ai tơngŏ jơnau kờñ bơcri priă lơh ală broă lơh jal mhar tàm nam do nàng tơnguh uă rài kis làng bol tàm tiah làng bol jơi bơtiàn ờ gal cau mờ tiah bơnơm.
Cồng nha sền wơl lơh jăt jơnau bơto sồr bơh Bộ Jơi bơtiàn mờ Jăt yàng, pà gŏ, càr Lâm Đồng ai jơnau kờñ jal mhar bơcri priă lơh 55 broă lơh ai dà ngui sa tơrgùm bal mờ kờp jơh priă tă lơh mờr 245 tơmàn đong; 19 broă lơh ồs đèng, tàm hơ̆ geh 16 broă lơh gùng che ồs đèng mờ 3 broă lơh đèng sòl àng, mờ kờp jơh priă tă lơh mờr 79 tơmàn đong.
Bal mờ hơ̆, càr dan dong kờl lơh hìu ơm ai 35 hìu geh rài kis gơtìp kal ke in, mờ khà priă 1 tơmàn 750 tơlăk đong. Kờp jơh priă kờñ lơh ală broă lơh jal mhar do rơlao 325 tơmàn đong, jơh ală là priă bơcri bơtàu tơnguh dê. Càr Lâm Đồng ai lài tơrgùm priă nàng lơh ală broă lơh tàm 218 thôn gơtìp kal ke, nàng pơgồp bal tàm broă tơnguh rài kis, tơnguh uă bơta niam rài kis bơh làng bol jơi bơtiàn ờ gal cau in.
Viết bình luận