Di dơ̆ do, càr tă bơh kes priă càr dê rlau 21 tơmàn 500 tơlak đong nàng jàu mờr 36 rơbô bơnah phan pà tus mờ ală cau ling sồt să, cau ling kòp tê jê să, cau pròc mhàm cau ling chơ̆t màng, Mè Việt Nam khin cha jak chài, Cau khin cha jak chài Mpồl ling phàu crong Làng bol mờ cau geh màng mờ dà lơgar.

Bal mờ hơ̆, Chủ tịch lơgar kung pơyoa phan pà ai rlau 27 rơbô 200 hìu bơnhă ală cau dờp bơta dong kờl mpồl bơtiàn tàm càr Dăk Lăk in mờ kờp jơh priă tă lơh rlau 8 tơmàn 230 tơlak đông, tơnguh kờp jơh priă sền gròi dơ̆ do dê gơguh mờr 30 tơmàn đong. Tŭ do, càr Dăk Lăk gam atbồ rlau 128 rơbô sră nggal dờp lèng broă lơh ală cau dờp bơta dong kờl mpồl bơtiàn, geh bal rlau 94 rơbô sră nggal cau geh màng mờ dà lơgar bal mờ cau pròc mhàm bal mờ pơgăp 34 rơbô sră nggal gơwèt mpồl ală cau dờp bơta dong kờl mpồl bơtiàn ndai in.