VOV4.K’Ho-"Tơngai bơh tŭ do tus Sa tềp Dà lơgar ờ gam uă, dilah Quôk hội geh dơ̆ pơrjum nisơna den tàm poh nggùl tàm nhai 1 nam 2024. Nàng lơh mhar broă lơh rcang lài, Ủy ƀan Thường vụ Quôk hội digơlan pơrjum tai ală dơ̆ pơrjum ờ ờs mờng”.

VOV4.K'Ho - Drim ngai 12/12, Mpồl kwang bàng Quôk hội càr Gia Lai bơyai lơh Pơrjum tìp mat cau tĕ khà tơnơ̆ pơrjum dơ̆ 6, Quôk hội khoă XV tàm xã Ia Hrú, kơnhoàl Chư Pưh.

VOV4.K’Ho- Mờ kờp jơh priă bơcri rlau 408 rơbô tơmàn đong, 3 broă lơh jơnau kờn Dà lơgar geh pơn yơu bè broă lơh kwơ màng ngan pờ gùng nàng ai làng bol in lik klàs rƀah tơnơ̆ rlau 2 nam lơh jat neh lơh geh ală cồng nha niam ngan. Mơya cồng nha jat sền bơh Quôk hội dê geh yal pa do tàm pơrjum dơ̆ 6 neh sơñio loh: tus tŭ do neh lòt gan rlau nggùl gùng lòt mơya broă lơh lam lơh jat kung gam gơtìp ờ dùl ết kal ke. Uă tiah, ală Ƀộ, ngàñ, ală tiah kung gam kwi kwơ ngan, geh tŭ kwi kwơ tŭ lơh jat 3 broă lơh jơnau kờñ Dà lơgar lơh broă ai priă lơyài tŭ tơngai, halà geh tiah ơm tàm bơta geh priă mờ ờ gơtùi “ngui”, pal dan jàu wơl priă bơcri ai kes priă dà lơgar in.

VOV4.K’Ho- Bơh ngai 05 tus ngai 10 nhai 12, tàm càr Khammouan, tiah tàm gùl lơgar Lào, Mpồl git gơ̆p lơh bơyô đah lơgar Việt Nam mờ lơgar Lào ƀòn dờng Hồ Chí Minh pơgồp bal mờ Hìu bơsram Đại họk Y khoa Phạm Ngọc Thạch mờ ủy ƀan bè Cau lơgar Việt Nam kis hờ lơgar bơdìh ƀòn dờng Hồ Chí Minh dê bơyai lơh broă kham, pà sơnơm mờ pà phan ai làng bol lơgar Việt Nam bal mờ làng bol geh rài kis gơtìp kal ke tàm tiah do in.

VOV4.K'Ho- Tàm poh lài, ală càr Tây Nguyên neh bơyai lơh pơrjum Hội đồng Ñân zân lồi nam, tơrgùm sền sơ wì cồng nha lam lơh kơnòl broă bơtàu tơnguh lơh sa – mpồl bơtiàn nam 2023, gùng dà, kơnòl broă nam 2024. Jơnau yal tàm ală dơ̆ pơrjum ai gŏ gam uă kal ke, bàr, pe broă jàu bè lơh sa – mpồl bơtiàn tàm tiah do neh ờ gơtùi lơh geh jat bè broă rơndap lơh. Tàm pơrjum do, ală kwang bàng neh jơh nùs, song dơpă sền sơ wì cồng nha nam 2023, tă pơgồp jơnau đơs ai jơnau kờñ gơguh lơh sa bơh nam 2024 dê in.

VOV4.K’Ho- Drim òr (08/12), Mpồl kwang bàng lơh broă bơh Ƀộ Nông nghiệp mờ Phát triển Nông thôn geh Thứ trưởng Nguyễn Quốc Trị lam bồ neh tus còp să, tam pà bal jơnau moăt jrùng mờ hìu nhă kwang bàng sền gàr brê Tiah brê prăp gàr phan geh is dà lơgar dê Ea Sô càr Dăk Lăk gơtìp cuh chơ̆t tàm tŭ gam lơh kơnòl broă.

VOV4.K’Ho- Mho ngai 07/12, tàm Hìu duh broă Củ tịc, Phó Củ tịc lơgar Võ Thị Ánh Xuân neh đơng lam pơrjum Mpồl duh broă Sền gàr dong kờl Kes priă Sền gàr dong kờl kơnòm dềt iăt yal cồng nha lơh jăt kơnòl broă bơh Kes priă dê tàm nam 2023 mờ lam lơh jăt broă rơndăp lơh nam 2024.

VOV4.K’Ho- Tus tiah kơh bơnơm Kon Chiêng, kơnhoàl Mang Yang, đơs tus mat ồng Hip, kra ƀòn den cau lơi kung kờñ gơboh mờ ki ngàm lơm. Bơh bồ tơngoh niam mờ nùs nhơm nđàc sơngĭt cau ndai, ồng Hip neh tề lam làng bol ƀòn lơgar sơrlèt gan kal ke nàng geh rài kis pa hờm ram. Ồng neh đòm jăt dipal, ngăc ngar jơnau sồr bơh Đảng dê, broă dong kờl mờ adat boh lam bơh Dà lơgar dê tàm broă mblàng yal, hòi jà, dong kờl làng bol tam gơl bồ tơngoh kơlôi sơnơng, broă lơh nàng sơrlèt gan kal ke brồ guh lik klàs rƀah. Ồng geh ai lơh pơnyơu bè “sềm lam bồ mpồl” tàm ƀòn lơgar.

VOV4.K'Ho- Poh lài, tơnơ̆ tŭ tơn jơh pơrjum dơ̆ 6, Quôk hội khoă XV, Kwang bàng Quôk hội neh tìp mat cau tĕ khà ală càr, ƀòn dờng. Tàm hơ̆, Phó Củ tịc Quôk hội Trần Quang Phương neh geh dơ̆ tìp mat cau tĕ khà tàm càr Quảng Ngãi mờ tơngkah bè bơta tìs ma tuý, tam lah tam lơh tàm hìu bơsram. Ai cau tĕ khà ƀòn dờng Hồ Chí Minh den sền gròi tus uă broă bè broă lam lơh gơnoar atbồ tiah drà, rơcang sơndră sa kuề sa kuà.

VOV4.K’Ho- Mang òr (03/12), tàm Hà Nội, Ƀộ Y tế mờ Kes priă dong kờl cau kòp ung thư “Ngai hìng niam rlau tai” bơyai lơh broă lơh tìp mat lơh kwèng đơs crih tam ya, lơh kes priă dong kờl cau kòp ung thư rƀah. Phó Củ tịc Quôk hội Trần Quang Phương tus bal.