VOV.K'Ho- Củ tịc Quôk hội sồr Mpồl duh broă Jơi bơtiàn tơnguh uă cồng nha kơlôi sơnơng, kờp dŭ lài gùng dà broă lơh; gàr niam bơtàu tơnguh mờ ring bal, sền gàr bơhiàn niam chài is mờ lơh kơ̆ kơl jăp mpồl tam klăc dờng gùt jơi bơtiàn.

VOV.K’Ho - Mpồl duh broă Làng bol càr Dăk Lăk khoă XI pa ring bal Jơnau lơh nền tàm pơrjum cih bè gùng dà broă lơh dong kờl sền gàr mờ lơh niam bơta kuơ niam chài cing mồng tơngai bơh nam 2026 tus nam 2030.

VOV.K’Ho- Ngai òr (25/05), Anih duh broă Làng bol càr Lâm Đồng bơyai lơh Pơrjum sền wơl 5 nam lam lơh Ală jơnau lơh nền tơnguh cồng nha lơh broă yal tơnggit jơnau kâp hơđơm tàm măi mok yal tơnggit jơnau jat Jơnau lơh nền 135 nam 2020 bơh Thủ tướng Cíñ phủ dê.

VOV.K’Ho- Cíñ phủ pa ai lơh jat Jơnau lơh nền tàm pơrjum sồ 122, tàm hơ̆ sồr mhar lơh gơs rơndap tap sèng jơnum làng bol tiah drà, thôn, ƀòn mờ ală mpồl lơh broă dà lơgar jat jơnau sồr lơh, jơnau pơlam bơh Dà lơgar dê. Lài hơ̆, Thủ tướng Cíñ phủ kung neh jàu Ƀộ Broă dơlam is in tă pơgồp jơnau đơs bè broă rơndap lơh rơndap tap sèng thôn, jơnum làng bol tiah drà tàm quý 2 nam do, pơgồp bal mờ broă ngui mpồl kwang bàng ờ drơng mìng dùl kơnòl tàm gùt lơgar. Broă rơndap tap sèng do ờ mìng là dùl bơta kờp bè khà sồ lơm , mờ gam là broă lơh pal geh nàng lơh ndrờm bal mờ broă lơh gơnoar atbồ ƀòn lơgar 2 kâp.

VOV.K'Ho - Củ tịc Quôk hội sồr Mpồl duh broă Jơi bơtiàn rơcang lài git nền bơta geh ngan, di tŭ tă pơgồp jơnau đơs mờ Đảng, Dà lơgar bè ală broă gơ rềng tus tiah làng bol jơi bơtiàn dồ êt nă cau mờ tiah kơh bơnơm.

VOV.K’Ho- Pơrjum dờng cau ala mat gùt lơgar Mặt trận dà lơgar Việt Nam dơ̆ XI pa bơyai lơh geh cồng nha tàm càr lơgar Hà Nội. Ală rơnàng làng bol tàm càr Dăk Lăk ai tơnggŏ bơta kơp kờñ mặt trận pơn jat tai lơh niam gơnoar broă là rbàng tơrbŏ đah làng bol mờ Đảng, Dà lơgar; di tŭ yal ală broă bơh ngan ngồn rài kis, ngan là tàm tiah sar lơgar ngài, tiah jơi bơtiàn dồ êt nă cau; jơnau đơs bơh ƀòn lơgar rơp geh iat, yal di tŭ mờ tam gơl gơ gơs ală broă lơh ngan ngồn tàm tơngai lơh broă pa.

VOV.K'Ho- Mho ngai 14/5, ală ồng Nguyễn Hoà Bình, lài do Phó Thủ tướng Duh broă sùm Cíñ phủ, ồng Trần Hồng Hà, Phó Thủ tướng Cíñ phủ lài do bal mờ đơng lam ală ƀộ, gah Dà lơgar neh lòt còp, chu ñàng mờ lơh jăt broă lơh sền gàr niam lơngăp lơngai rài kis mpồl bơtiàn tàm sơnah ƀòn Bình Kiến, càr Dăk Lăk.

VOV.K’Ho – Tàm nam do, làng bol rơ̆p dờp geh kham pràn kơl dang să jan pah dơ̆ ờ sa priă bơh kes priă dê tă tơm.

VOV.K’Ho- Lâm Đồng ai jơnau kờñ tus nam 2030 gơmù uă ngan khà sàh, thôn kal ke uă ngan bơh bơcri priă lơh phan bơna bơt bơtàu, bơtàu tơnguh broă lơh sa mờ tơnguh uă bơta niam rài kis tiah làng bol jơi bơtiàn dồ ết nă cau in.

VOV.K’Ho- Tơnơ̆ dơ̆ pơrjum dơ̆ Dùl, Quôk hội khoă XVI, Mpồl cau ala mat Quôk hội ală càr Gia Lai, Lâm Đồng mờ Dăk Lăk neh bơyai lơh tìp mat cau tĕ khà tàm uă sàh, sơnah ƀòn, cih dờp dồ ròt ală jơnau đơs, jơnau dan gơ rềng tus phan bơna gùng lòt, tam gơl wơl sră pơ àr gơnoar atbồ, broă dong kờl mờ tơnguh cồng nha lơh broă bơh gơnoar atbồ ƀòn lơgar dê tàm tŭ tơngai lơh pràn tam pà kâp, jàu gơnoar tŭ do.