Tàm 11 ƀlàng tơp ƀồc cau chơt màng, mpồl lơh broă geh gơnoar càr Lâm Đồng neh tờ 4 rbô 776 bơtô ƀồc ờ hềt git jơnau yal tơnggit. Bơh hơ̆, ai geh 3 rbô 625 mẫu sinh phẩm. Geh rlau 1 rbô 100 bơtô ƀồc ờ gơtùi ai mẫu halà mẫu ờ geh tơl bơta nàng gơtùi sền swì đal git ADN. Broă lam lơh ai mẫu sinh phẩm mờ lơh sồ ƀồc ntìng cau chơt màng geh lơh jal mhar, nền nòn, jak chài, bơh sền wơl mat, git nền bă bơtô ƀồc tus ai mẫu, prap gàr mờ lơh sir sră nggal drơng sền swì đal git in. Ală mpồl tus bal kung gàr nền nòn jơnau sồr mờng chài lơh broă, mờ kung gàr bơta ki ngàm gơ wèt mờ ală bơtô ƀồc cau chơt màng.