Ală cau ala măt ring bal uă mờ gùng dà broă tơrgùm bal nàng pleh mờ tàm bơrlŭ bal, lơh geh uă ngan jơh bơta pràn mờ tam gơl pràn tus mờ tam pà kấp, tam pà gơnăp gơnoar ai ală càr, ƀòn dờng in.

Mơya, broă tơrgùm bal ờ geh nùs nhơm kờñ geh uă, ờ lơh tam gơl ha là tơrmù ală jơnau kờñ, cau geh dờp. Mờ kờp jơh khà priă kờp dŭ rơlao 808 rơbô tơmàn đong, cau ala măt Nguyễn Văn Huy (Mpồl cau ala măt càr Hưng Yên) sồr lơh loh cồng nha bơh kes priă càr, ƀòn dờng dê nàng pleh mờ gơguh bơta ờ ndrờm bal đah ală tiah. Gam cau ala măt Siu Hương (Mpồl cau ala măt càr Gia Lai) sồr bơtơl tơngu me bơto, tơnguh uă bơta pràn lơh broă rơndăp lơh, atbồ priă jền mờ tam gơl sồ ai kwang bàng kấp sàh lơh jăt tơn broă lơh do dê.