Do ndrờm là ală cau neh phi să tàm rài tam lơh mờ bol sò tơm Tây. Tàm nùs nhơm ki ngàm, đơng lam càr Khánh Hoà, mpồl phàu crong, gơnoar ătbồ ƀòn lơgar mờ cau pròc mhàm ală hìu bơnhă cau chơ̆t màng pơdơng bơkàu, chu ñàng, kah kơlôi ală cau neh phi să tài lơngăp lơngai is, khăt gơboh is bơh Dà lơgar tờm dê.

Ồng Nguyễn Long Biên, Phó Chủ tịch Duh broă sùm Anih duh broă Làng bol càr Khánh Hoà, Phó Lam bồ Mpồl Sồr lơh “Broă lơh dờng 500 ngai măng lơh pràn lơh jăt lòt jòi, rờ tơrgùm mờ sền swì gĭt nền loh muh măt ƀồc ntìng cau chơ̆t màng” sền sră ies kah pơrlai. Broă jun ală cau chơ̆t màng rê tơ̆p tàm dơlam ù mè là “jơnau sồr bơh plai nùs”, tơnggŏ kơnòl mờ bơta kah rơngal jrô ơnàng ngan bơh rơnàng cau ngai do dê gơ wèt mờ ală cau neh ơn pơdơng jơh sơnam pơnu să, mhàm ntìng ai Dà lơgar tờm in. Bơh tŭ lam lơh Broă lơh dờng 500 ngai măng, càr Khánh Hoà neh lòt jòi, rờ tơrgùm geh 14 ƀồc ntìng cau chơ̆t màng.