Thiếu tướng Nguyễn Quốc Hương đơs nền, broă lòt jòi, rờ tơrgùm ƀồc ntìng cau chơt màng là kơnòl broă chính trị kuơmàng is ồn, ai tơnggŏ bơhiàn niam bơnĕ “Hùc dà kah tô dà”, nùs nhơm kah ưn ngài bơh rơnàng tŭ do dê gơ wèt mờ ală cau neh khin cha jak chài chơt phi să tài lơngăp lơngai is, khat gơboh Dà lơgar tờm dê. 

Tàm “Broă lơh dờng 500 ngai mang”, tơl nă kwang bàng, cau ling lòt lơh kơnòl broă ờ mìng lam lơh broă lòt jòi, rờ tơrgùm mờ gam pơgồp bơnah lam ală cau chơt màng rê wơl mờ cau ling bal, mờ hìu bơnhă, ƀòn tờm; lơh sir sră pơ àr, đal git mat sơnđan, jòi wơl mat sơnđan ală cau neh phi să in.