Bơh jơnau yal bơh làng bol dê, mpồl lơh broă geh gơnoar bơyai lơh lòt sền, pờ ơnàng lòt jòi mờ gĭt gŏ dùl ƀồc ntìng cau ling chơ̆t màng bal mờ phan lời wơl. Ƀồc ntìng geh tơngoh bồ, ntìng kàng, ntìng jơng, ntìng tê mờ 8 nơm sề. Ală phan lời wơl geh jòi gŏ geh toal tang, biài ju, kơldung ơn sră nggal, che đèng yal tơngĭt jơnau, tuýp kem jroh sề...

Mpồl K51 neh ai mẫu sinh phẩm nàng drơng broă sền gĭt ADN, đăl gĭt mat cau ling chơ̆t màng jat jơnau sồr dê. Ƀồc ntìng tŭ do geh ơn prap, duh khoai tàm Ƀlàng tơ̆p ƀồc cau ling chơ̆t màng sàh Krông Bông, càr Dăk Lăk, kơ̆p ngai bơyai lơh dơ̆ ies mờ tơ̆p ƀồc. Do là ƀồc ntìng cau ling chơ̆t màng dơ̆ 13 geh Mpồl K51 rờ tơrgùm tàm ù tiah càr Dăk Lăk dê bơh bồ nhai 6 tus tŭ do, tàm hơ̆ là ƀồc ntìng dơ̆ 5 geh jòi gŏt tàm tiah kơnhoàl Krông Bông lài do.