Broă lơh do gam geh mpồl lơh broă geh gơnoar jal mhar lơh tàm 11 ƀlàng tơ̆p ƀồc tàm càr do dê. Tus tŭ do, neh lơh gơs broă ai mẫu, lơh jăt măi mok tàm 10 ƀlàng tơ̆p ƀồc, tàm hơ̆ geh: Đức Linh, Cư Jút, Tuy Đức, Dăk R’lấp, Krông Nô, Dăk Mil, Dăk Nông, Bảo Lộc, Di Linh mờ Đà Lạt.

Tŭ do mpồl lơh broă geh gơnoar tơrgùm lơh tàm Ƀlàng tơ̆p ƀồc Cau ling chơ̆t màng Bình Thuận, do là tiah geh khà ƀồc pal ai mẫu, lơh jăt măi mok uă ngan mờ 3 rơbô 431 bơtô ƀồc. Thiếu tá Lê Hữu Lập, Lam bồ Mpồl lơh jăt măi mok 3 pà git: “Gơwèt mờ broă lơh jăt măi mok den broă lơh geh lơh pơn jăt bal. Ală cau tàm mpồl pơgồp bal mờ Niam chài sàh, Mpồl Đơng lam ling klàng sàh, sơnah ƀòn tus tơl bơtô ƀồc nàng đal tiah lơh jăt 8 broă lơh jăt jơnau sồr 515 càr dê neh bơto sồr. Bơdìh mờ 8 broă lơh hơ̆, bol añ kung bơyai lơh pơn drờm bal, tam gơl bal tơl tiah ƀồc, bơtô ƀồc”. Kờp dŭ, jơh ală kơnòl broă geh lơh gơs tàm lồi nhai 8, gờñ rơlao pơn drờm mờ broă rơndăp lơh geh ai.