Lâm Đồng jăt sền, sồr ngan pah ngai tơngai pơrgon lơh sir 2 nơm hìu bơsram ală kâp tiah nhàr lơgar
Thứ sáu, 06:00, 07/08/2026
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV.K'Ho- Nàng kờñ 2 Hìu bơsram Bal Jơi bơtiàn ơm sa bĭc tơn tàm hìu bơsram ală kâp Kâp dùl mờ Kâp bàr tàm ală sàh nhàr lơgar Thuận An mờ Quảng Trực thàn ai mŭt lơh broă tàm nam bơsram 2026- 2027, Anih duh broă Làng bol càr Lâm Đồng gam sồr kràñ cê jơh nùs ngan, jăt sền nền nòn ngan tơngai pơrgon lơh mờ broă lơh rơcăng nam bơsram pa in.
Tus tŭ do, broă bơ̆t bơtàu Hìu bơsram Bal Jơi bơtiàn ơm sa bĭc tơn ală kâp Kâp dùl mờ Kâp bàr tàm sàh Thuận An neh lơh gơs pơgăp 80% bơnah broă lơh. Cau tờm bơcri priă hơ lơh gơs, sền swì ai ngui lài mờ ngai 30/8. Tàm tŭ hơ̆, hìu bơsram tàm sàh Quảng Trực geh pơgăp 67% bơnah broă.
Tơngai pơrgon lơh gam lơh yài tài ờ tơl cau lơh broă mờ bơta lơh broă tàm kơnhoàl ù tiah nhàr lơgar. Nàng kờñ bàr hìu bơsram thàn wă kơnòm bơsram tàm nam bơsram pa tơn, ồng Hồ Văn Mười, Chủ tịch Anih duh broă Làng bol càr Lâm Đồng sồr ală mpồl lơh broă hòi tơrgùm jơh ală cau lơh broă, tơnguh dơ̆ lơh, tơngguh mpồl lơh, lơh jăt di tơngai pơrgon lơh pah ngai, pah jiơ, pơnđơl lơh gơs mờ jàu jơh bàr broă bơ̆t bơtàu lài mờ ngai 30 nhai 8.
Viết bình luận