Jat broă rơndap lơh, Khánh Hòa lòt jòi, rồ tơrgùm geh mờr 150 ƀồc ntìng cau ling chơt màng; đal git, pơn dut 168 tiah lòt jòi mờ 946 jơnau yal tơnggit bè bơtô ƀồc cau ling chơt màng mờ ai mẫu ADN gơwèt mờ 2 rơbô 234 ƀồc ntìng cau ling chơt màng ờ hềt git mat. 

Nàng rơcang ai broă lam lơh ndrờm bal tàm gùt càr in, tơngai lài, ală mpồl neh lam lơh tơrlòng lài broă lơh tờ, ai mẫu ADN tàm Ƀlàng tơp ƀồc cau ling chơt màng Khánh Vĩnh. Broă lòt jòi, rờ tơrgùm mờ đal git mat ƀồc ntìng cau ling chơt màng ờ mìng pơgồp bơnah lơh prài bơta moat jrùm bơh cau pròc mhàm tờm cau ling chơt màng dê mờ gam ai tơnggŏ bơhiàn “Hùc dà kah tô dà” bơh jơi bơtiàn dê tai.