Jăt mờ hơ̆, broă rồ, jòi rơ̆p geh lơh jăt 3 tơngai. Tơngai sơnrờp bơh ngai 06 nhai 6 tus ngai 20 nhai 6, ală mpồl tơrgùm rồ tàm ală bă ù lời gời tàm ƀlàng Tơ̆p ƀồc cau ling chơ̆t màng sơnah ƀòn Đăk Cấm mờ jòi sền tàm gơl gùng Trường Chinh bơh sồ hìu 206 tus sồ hìu 282. Tơngai dơ̆ bàr bơh ngai 21 nhai 6 tus ngai 25 nhai 7, rề ơnàng broă rồ tàm ală gơl gùng gam tai bơh gùng Trường Chinh dê gơwèt tàm ală tiah geh pin. Tơngai dơ̆ pe, bơh ngai 26 nhai 7 tus jơh nam 2026, tơrgùm jòi sền mờ rồ tàm ală tiah pa geh jơnau yal bơh làng bol, cau ling yau ha là ală anih lơh broă gơrềng bal yal.

Broă lơh pal lơh jăt nền nòn gùng dà broă lơh “Gŏ tàm tiah lơi lơh tus tàm tiah hơ̆, ƀuơn lơh lài, kal ke lơh tơnơ̆, nền nòn”, gàr niam bơta lơngăp lơngai bè kòn bơnus, phan lơh broă, broă lơh phan bơna bơta chài, lơngăp lơngai gùng lòt. Ală ngai do, Mpồl K53 neh bơyai lơh tờ rơbòng tềng gah, ndrờm bal mờ tiah tàm gùl gùng Trường Chinh, sơnah ƀòn Đăk Cấm dê. Lài mờ hơ̆, Mpồl K53 neh tờ ală rơbòng nàng jòi sền tàm ƀlàng Tơ̆p ƀồc cau ling chơ̆t màng sơnah ƀòn Đăk Cấm, tă geh rơlao 1 rơbô khối ù nàng jòi sền tai ờ uă tiah di gơlan gơrềng tus mờ tiah geh bơtô ƀồc cau ling chơ̆t màng, drơng tàm broă jòi rồ, tơrgùm ƀồc ntìng.