Drim ngai 25/6, mò Phạm Thị Thanh Trà - Đơng lam Đảng dà lơgar, Phó Thủ tướng Chính phủ đơng lam Pơrjum sền wơl broă lam lơh kơnòl broă 6 nhai bồ nam mờ lam lơh kơnòl broă 6 nhai lồi nam 2026 bè broă lơh lòt jòi, rờ tơrgùm mờ đal git mat ƀồc ntìng cau ling chơt màng. Jat jơnau yal, bơh bồ nam tus tŭ do, gùt lơgar neh lòt jòi, rờ tơrgùm geh 1 rbô 255 ƀồc ntìng cau ling chơt màng mờ 3 bơtô ƀồc bal tàm Tuyên Quang; dờp, ơn prap rlau 93 rbô 400 mẫu sinh phẩm cau pròc mhàm tờm cau ling chơt màng, lơh ndrờm bal rlau 53 rbô mẫu tàm anih yal tơnggit jơnau.

Đơs tàm pơrjum, mò Phạm Thị Thanh Trà pà git, bơh tŭ do tus lồi nam, gùt lơgar lơh ngan lòt jòi, rờ tơrgùm geh mờr 3 rbô ƀồc ntìng cau ling chơt màng; ai mẫu mờ jàu mờr 110 rbô mẫu ƀồc ntìng; ai mờr 100 rbô mẫu sinh phẩm cau pròc mhàm tờm cau ling chơt màng mờ sền git ADN mờr 9 rbô mẫu ƀồc ntìng.