Càr Dăk Lăk tŭ do geh 34 ƀlàng tơp ƀồc cau chơt màng mờ rlau 15 rbô 200 bơtô ƀồc, tàm hơ̆ rlau 4 rbô 100 bơtô ƀồc ờ hềt git jơnau yal tơnggit mờ rlau 4 rbô bơtô ƀồc kờñ pal ai mẫu drơng sền git ADN. Bal mờ broă lơh ai mẫu ADN, càr neh git nền 584 tiah geh jơnau yal tơnggit bơtô ƀồc cau chơt màng ờ hềt geh rồ tờ, mờ rlau 6 rbô bơtô ƀồc kờñ pal jat tai geh đal git. Ală mpồl lơh broă neh lòt sền tàm 79 sàh, sơnah ƀòn, bơsong 90 jơnau yal tơnggit mờ rờ tơrgùm geh 7 ƀồc ntìng cau chơt màng.

Tàm lơgar Campuchia, kàl prang pa do, Mpồl K51 neh rờ tơrgùm geh 27 ƀồc ntìng cau chơt màng. Tŭ do, càr Dăk Lăk gam jal mhar lơh mhar tơngai hơ pơrgon broă lơh dờng nàng lơh geh jơnau kờñ rờ tơrgùm 180 ƀồc ntìng cau chơt màng mờ lơh gơs ai mẫu gơ wèt mờ 4 rbô 19 bơtô ƀồc cau chơt màng ờ hềt git mat tàm nam 2026.