Do là broă lơh geh gơtha chính trị, nùs nhơm niam jak jrô ơnàng làm uă, tơngŏ bơta kah ưn ngài bơh Đảng, Dà lơgar mờ Quốc hội dê gơwèt mờ ală Mè Việt Nam khin cha jak chài, ală Cau khin cha jak chài mpồl ling phàu crong làng bol mờ ală cau geh màng mờ dà lơgar; mơkung pơgồp bơnah bơto bơtê ờs mờng kờñ gơboh dà lơgar, nùs nhơm gĭt ưn ngài mờ geh kơnòl bơh ală rơnàng tŭ do dê gơwèt mờ broă lơh bơt bơtàu mờ sền gàr Dà lơgar tờm.

Ưn ngài pal geh tơngŏ mờ ală broă lơh sùm, mờ bơta sền gròi niam ngan mờ ală broă lơh ngan ngồn, geh ngan. Mờ kơnòl broă bơh he dê, Quốc hội sùm lời ai bơta sền gròi is ồn gơwèt mờ broă lơh cau geh màng mờ dà lơgar. Di dơ̆ do, mò Nguyễn Thị Thanh, Phó chủ tịch Quốc hội mờ Anih kơlôi sơnơng Niam chài mờ Làng bol ơm kis neh pà ală bơnah phan pà ưn ngài tus mờ ală Mè Việt Nam khin cha jak chài, Cau khin cha jak chài Mpồl ling phàu crong làng bol mờ cau geh màng mờ dà lơgar pơn rơ jak.