Bal mờ broă lơh mhar bơt bơtàu, ală bơta nàng 2 hìu bơsram in mut ngui kung gam geh Sờh Bơto bơtê mờ Bơsram càr Lâm Đồng rcang lài ring bal. Tơl hìu bơsram geh ai 57 nă cau pơgru mờ 21 nă cau lơh broă. Hìu bơsram Thuận An kờp dŭ geh 870 nă kơnòm bơsram, hìu bơsram Quảng Trực geh 900 nă kơnòm bơsram; tàm hơ̆ geh bal kơnòm bơsram ơm sa bĭc tơn mờ ơm sa klo ngai.

Kờp dŭ bơh ngai 20/8 rơ̆p tơrgùm kơnòm bơsram nàng yal tơngĭt jơnau pal jat, lơh kwèng mờ ală bơta tàm hìu bơsram ơm sa bĭc tơn, sa klo ngai mờ phan bơna. Sền gĭt do là kơnòl broă chính trị kwơ màng, Anih duh broă Làng bol càr Lâm Đồng gam jat nền tiah lơh broă, sồr lơh jat gùng dà broă lơh “loh cau, loh broă, loh tŭ tơngai mut lơh, loh kơnòl broă”, jơh nùs lơh ngan lơh sir 2 broă lơh hìu bơsram di mờ tŭ tơngai pơr gon, gàr niam lơngăp lơngai, kơ̆ kơl jăp, drơng niam ngan rlau jơh broă bơsram, sào sa ơm rlô mờ ơm kis bơh kơnòm bơsram tiah nhàr lơgar dê.