Ƀồc ntìng geh jòi gŏ tàm hơ̆ geh ntìng jơng, ntìng tê, ntìng kơndoh bồ, sề, ntìng kàng, ờ uă ntìng rơpàs mờ ală bơta ntìng dềt ndai.

Bal mờ ƀồc ntìng, mpồl jòi rồ gŏ uă phan lời wơl, tàm hơ̆ geh dùl yô bơno biàng, dùl nơm zep cao su, dùl khàr sơnơm insulin, bàr ding sơnơm, dùl nơm krơh wil mờ ờ uă biài sèt bơh ào mpha tơmir. Tŭ do măt cau ling chơ̆t màng ờ hềt gih đal. Ƀồc ntìng mờ ală phan lời wơl neh geh Mpồl K52 tơrgùm, prăp gàr di jăt mờ jơnau geh ai. Mpồl do gam pơn jăt tai pơgồp bal mờ ală anih lơh broă geh gơnoar nàng đal git jơnau yal, drơng tàm broă đal git măt cau ling chơ̆t màng.