Pal kah ngan, ală cau ala măt sền sơwì broă dong kờl 100% khà priă blơi sră kham sơm kòp ờ sa priă ai cau tơl bơh 60 sơnam tus hờ đơm 75 sơnam ờ hềt geh sră kham sơm kòp ờ sa priă tàm càr in. Jăt kờp dŭ, broă dong kờl rơlao 83 rơbô 700 nă cau dờng sơnam, mờ khà priă rơlao 114 tơmàn đong pah nam.

Dar pơrjum kung sền sơwì kờp jơh priă bơcri dà lơgar di mờ tơngai tàm tơngai bơh nam 2026 tus 2030 ai pe broă lơh jơnau kờñ dà lơgar bè bơ̆t bơtàu ƀòn lơgar pa, tơrmù rơƀah kơl jăp mờ bơtàu tơnguh lơh sa mpồl bơtiàn tiah làng bol jơi bơtiàn ờ gal cau, tiah bơnơm, kờp dŭ rơlao 4 rơbô 500 tơmàn đong. Bơdìh hơ̆ tai, ală cau ala măt sền sơwì gùng dà broă lơh tam pà 245 tơmàn đong ai 15 rơndăp broă lơh bơta chài, măi mok, tam gơl pa bơceh lơh mờ tam gơl sồ; khà măt 21 rơndăp broă lơh pal toh wơl ù ha là tam gơl jơnau ngui ù brê.