Ƀùi mho, ală cau ala măt cribơyai tàm jơnum bè Jơnau rơcăng cih Adăt gah Lơh tìs glài kŭp jàm (lơh tam gơl wơl) mờ jơnau rơcăng cih Jơnau lơh nền tàm pơrjum Quốc hội dê bè broă lơh jăt Adăt gah Lơh tìs glài kŭp jàm (lơh tam gơl wơl); Rơndăp broă lơh Adăt Rơndăp tăp sèng anih lơh broă lùp khàu lơh tìs glài kŭp jàm (lơh tam gơl wơl).

Tă pơgồp jơnau đơs tàm jơnau rơcăng cih Adăt Ròng kòn ròng (lơh tam gơl wơl), bàr pe nă cau ala măt đơs là, broă lơh tam gơl wơl Adăt dơ̆ do pal sơlơ pà kâp, pà gơnoar, gơ jăt bal mờ tam gơl sồ gơ in dipal mờ mùl màl. Ală tơngume lơh tam gơl wơl pal lơh geh jơnau sồr gàr niam bơta kwơ niam ngan rlau jơh bơh kơnòm dềt dê. Ală cau ala măt đơs là, broă lơh tam gơl wơl Adăt Ròng kòn ròng tàm bơta tŭ do là kờñ ngan, nàng kờñ lơh gơs kơrnoăt boh lam jơnau lơh nền bè sơlơ trăng gàr, bơto bơtê mờ sền gàr kơnòm dềt; mơkung bơsong ală jơnau gam gơkòl, ờ hềt pràn jak gơlik geh tàm mùl màl lơh jăt Adăt Ròng kòn ròng nam 2010.