Quảng Ngãi: Jòi rồ, tơrgùm geh 5 ƀồc ntìng cau ling chơ̆t màng tàm sàh Đăk Pék
Thứ sáu, 13:00, 16/10/2026
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV.K'Ho- Tàm sàh Đăk Pék, càr Quảng Ngãi, mpồl lơh broă geh gơnoar pa jòi gŏ 5 ƀồc ntìng cau ling chơ̆t màng rềp bal tàm gùl brê bơnơm.
Bơh ngai 12 tus ngai 15 nhai 10, Mpồl Đơng lam ling klàng sàh Đăk Pék mờ mpồl Công binh, Anih pơlam, Mpồl đơng lam ling klàng càr Quảng Ngãi neh jòi rồ, tơrgùm geh 5 ƀồc ntìng cau ling chơ̆t màng tàm ƀòn Đăk Hoa, thôn Đăk Xanh, sàh Đăk Pék.
Tàm tiah rồ, mpồl jòi rồ neh gŏ ờ uă phan lời wơl bè biài ju, toal tang, ồi tuyn ngui nàng klơm ƀồc. Ală phan lời wơl do là cơng tàng nàng drơng tàm broă đal git jơnau yal bè ală cau ling chơ̆t màng. Mpồl Đơng lam ling klàng sàh Đăk Pék pơgồp bal mờ mpồl công binh gơwèt anih Pơlam, Mpồl Đơng lam Ling klàng càr Quảng Ngãi pơn jăt tai rề ơnàng broă jòi rồ tàm tơngu me jơnau yal bơh làng bol dê.
Viết bình luận