Chính phủ Mỹ dong kờl cau kuet kơlte càr Gia Lai mờ Quảng Ngãi
Thứ sáu, 10:58, 16/10/2026
Cau mblàng: K’Duẩn/ VOV Tây Nguyên
Cau mblàng: K’Duẩn/ VOV Tây Nguyên
VOV.K’Ho - Ngai 15/10, tàm càr Gia Lai, Anih tờm lơh broă dà lơgar bơsong jơnau gơ lời wơl sơnơm khih dioxin mờ tiah ơm kis, Ƀộ Ling klàng bal mờ ală mpồl lơh broă bal bơyai lơh pơrjum cribơyai sền swì cồng nha dong kờl tơn mờ bơtàu tơnguh broă lơh sa cau kuet kơlte in.
Pơrjum cribơyai gơ wèt rơndap broă lơh “Tơnguh bơta niam rài kis cau kuet kơlte dê tàm ală càr gơtìp rơ sìh uă sơnơm khih dioxin”, bơh Chính phủ Mỹ dong kờl, lam lơh tàm càr Gia Lai mờ càr Quảng Ngãi bơh nam 2023. Tus tŭ do, Rơndap broă lơh neh dong kờl 741 nă cau tam gơl ală bơta tàm rài kis, ală phan drơng tàm rài kis mờ 147 nă cau bơtàu tơnguh broă lơh sa.
Tàm pơrjum cribơyai, ală cau ala mat đơs rơndap broă lơh neh lơh gơlik bơta tam gơl niam bè bơta pràn sền gàr is, lơh gơlik geh priă jền mờ kis tàm sòr mờ mpồl bơtiàn. Uă ngan ală cau geh dong kờl broă lơh sa geh bơta pràn bơcri priă wơl, uă cau den tơnguh priă lơh geh.
Viết bình luận