Lơh jăt “Broă lơh dờng 500 ngai măng lơh pràn lòt jòi, rồ tơrgùm mờ sền swì gĭt nền loh muh măt ƀồc ntìng cau chơ̆t màng”, sàh Đăk Tờ Kan, càr Quảng Ngãi neh lam lòt jòi tàm 6 anih pin geh ƀồc ntìng cau chơ̆t màng mờ gŏ, tờ rồ 1 ƀồc ntìng là A Ngoã, cau chơ̆t màng.

A Ngoã, cau chơ̆t màng, ƀòn tờm thôn Tê Xô Trong, sàh Đăk Tờ Kan, kơnhoàl Tu Mơ Rông, càr Kon Tum yau (tŭ do là thôn Tea Kan, sàh Đăk Tờ Kan, càr Quảng Ngãi) là cau tàm mpồl ling griăp ƀòn. Tàm tŭ lơh kơnòl broă, ồng A Ngoã gơtìp cau bơh mpồl Fulrô cuh; phi să ngai 30/10/1980, neh geh Dà lơgar dờn dờp là Cau chơ̆t màng. Anih duh broă Làng bol sàh Đăk Tờ Kan dan ală anih lơh broă geh gơnoar pơgồp bal mờ sàh Tu Mơ Rông lam jun ƀồc ntìng ồng A Ngoã, cau chơ̆t màng rê tơ̆p tàm Ƀlàng tơ̆p ƀồc Cau chơ̆t màng sàh Tu Mơ Rông jăt bơta kơ̆p kờñ bơh cau pròc mhàm dê.