Kờp bơh ngai 15/10 tus jơh ngai 10/11/2026, tàm dơ̆ 2 lòt jòi, rồ tơrgùm tàm Sươn bal Lê Thị Riêng, ală mpồl cau neh gŏ, rồ tơrgùm 279 ƀồc ntìng cau chơ̆t màng rah rài is, tàm hơ̆ geh 64 ƀồc ntìng geh bal phan cau chơ̆t dê lời wơl.

Lài hơ̆, tàm dơ̆ 1, ală mpồl cau neh lòt jòi, rồ tơrgùm geh 731 ƀồc ntìng cau chơ̆t màng mờ bơyai lơh dơ̆ ies kah pơrlai, tơ̆p jăt jơnau sồr. Bè hơ̆, kờp bơh ngai 23/6 tus jơh ngai 10/11/2026, kờp jơh khà ƀồc ntìng cau chơ̆t màng geh gŏ, rồ tơrgùm tàm Sươn bal Lê Thị Riêng là 1 rbô 10 ƀồc ntìng, tàm hơ̆ geh 371 ƀồc ntìng geh bal phan cau chơ̆t dê lời wơl. Mùl màl, geh 977 ƀồc ntìng cau chơ̆t màng geh gŏ, rồ tơrgùm rah rài is mờ 33 ƀồc ntìng tàm 8 anih bơtô ƀồc bal. Broă lơh lòt jòi, rồ tơrgùm ƀồc ntìng cau chơ̆t màng gam pơn jăt tai geh ală mpồl cau lam lơh jal mhar, mờ nùs nhơm kơnòl uă, tơnggŏ bơta kah rơngal uă ngan gơ wèt ală cau khin cha jak chài chơ̆t màng.