Càr Quảng Ngãi bơyai lơh còp, ies mờ tơp 11 ƀồc ntìng cau chơt màng tàm Đăk Pék
Thứ ba, 06:00, 10/11/2026 Cau mblàng: K’Duẩn/VOV Tây Nguyên Cau mblàng: K’Duẩn/VOV Tây Nguyên
VOV.K’Ho- Tàm Ƀlàng tơp ƀồc cau chơt màng Đăk Glei, Anih duh broă đơng lam Đảng, Mpồl duh broă Làng bol, Anih duh broă Làng bol, Anih duh broă Mặt trận Dà lơgar Việt Nam sàh Đăk Pék bơyai lơh còp, ies mờ tơp 11 ƀồc ntìng cau chơt màng pa geh lòt jòi, rồ tơrgùm tàm sàh Đăk Pék mờ Dục Nông, càr Quảng Ngãi.

Lam lơh “Broă lơh dờng 500 ngai mang lòt jòi, rồ tơrgùm mờ đal git mat ƀồc ntìng cau chơt màng”, ală mpồl lơh broă neh lòt jòi, rồ tơrgùm geh 11 ƀồc ntìng cau chơt màng. Tàm hơ̆, Mpồl rồ tơrgùm gơ wèt Cục Chính trị, Ling mpồl 34 rồ tơrgùm geh 2 ƀồc ntìng cau chơt màng tàm sàh Dục Nông; Mpồl rồ tơrgùm Sư đoàn 10, Ling mpồl 34 rồ tơrgùm geh 2 ƀồc ntìng cau chơt màng tàm sàh Đăk Pék; Mpồl Đơng lam Ling klàng sàh Đăk Pék rồ tơrgùm geh 7 ƀồc ntìng tàm sàh.

Jat Mpồl sồr lơh bè lòt jòi, rồ tơrgùm mờ đal git mat ƀồc ntìng cau chơt màng càr Quảng Ngãi, kờp tus tŭ do, gùt càr neh lòt jòi, rồ tơrgùm geh 67 ƀồc ntìng cau chơt màng. Tŭ do, ală mpồl gam pơn jat tai sền nền wơl ală tiah geh pin, tàm pơn drờm jơnau yal tơnggit cau lơh cơng mờ cồng nha lòt sền, tờ mùl màl, mờ kung pơgồp bal jơh nùs mờ gơnoar atbồ ƀòn lơgar nàng pờ ơnàng jơnau tơnggit, đal git tàm toh bă tiah tơp cau chơt màng.

Cau mblàng: K’Duẩn/VOV Tây Nguyên

Viết bình luận

TIN CÙNG CHUYÊN MỤC