Mờ kờp jơh priă bơcri lơh kờp dŭ rlau 740 tơmàn đong, rơndăp broă lơh rơ̆p ai pơgăp 546 nơm hìu bal mờ ală bơta kwơ drơng broă làng bol ơm kis in. Rơndăp broă lơh geh lơh tàm bă ù ơnàng mờ 1, 2 lồ rềp nhàr mờ gùng Nguyễn Văn Linh, sơnah ƀòn Hội Phú, kờp dŭ lơh sir ai mut ngui tàm nam 2029.

Đơs tàm dơ̆ sơnđờm mut lơh, ồng Dương Mah Tiệp, Phó Chủ tịch Anih duh broă Làng bol càr Gia Lai pà gĭt, rơndap broă lơh là broă sơn rờp nàng lơh geh ală hìu ơm mpồl bơtiàn tàm tiah Pleiku, lơh geh tai tŭ tơngai niam ai làng bol in gĭt tiah ơm di pal mờ priă lơh geh. Tus tơngai sơnđờm mut lơh rơndăp broă lơh tàm sơnah ƀòn Hội Phú, pơgăp 1 rơbô 687 nơm hìu ơm mpồl bơtiàn tàm ù tiah càr dê neh lơh sir bơnah sơn rờp mờ gam geh lơh sir.