Dơ̆ lòt còp nàng kờñ lơh kơ̆ rlau tai bơta gĭt gơ̆p tam klăc bal, pin dờn bal đah đơng lam bồ kấp dờng mờ Quốc hội 2 lơgar dê tàm tơngai lơh broă pa; mơkung lơh jat niam gơnoar broă cribơyai broă mờ lơgar ndai Nghị viện, sơlơ tơnguh tai lơh broă bal đah 2 gah ngai sơlơ ngan ngồn, geh cồng nha.

 Bơta gĭt gơ̆p Việt Nam mờ Lào pơn jat tai geh bơt bơtàu tàm bơnàng jă lơh bơyô bal dờng màng, tam klăc bal is ồn, lơh broă bal tơl làm mờ tam klăc bal kwơ màng. Lơh broă bal lơh sa, kă bro phan mờ bơcri priă đah 2 lơgar geh uă tam gơl niam. Tàm 7 nhai bồ nam 2026, Việt Nam geh tai 20 rơndăp broă lơh bơcri priă tàm lơgar Lào mờ kờp jơh priă dan bơcri lơh rlau 638 tơlak dolar Mỹ, tơnguh kờp jơh priă bơcri lơh dê gơguh tus 7 tơmàn dolar Mỹ. Tàm tơngume dơ̆ lòt còp, 2 gah rơ̆p sơlơ tơnguh tai cribơyai mờng chài lơh adat boh lam, jat sền, pơgồp bal lam lơh ală jơnau ring bal kấp dờng, tă bơsong kal ke tàm lơh broă bal lơh sa- mpồl bơtiàn; mơkung lơh pràn pơgồp bal tàm ală anih cribơyai Nghị viện tàm tiah do mờ ală lơgar, pơgồp bơnah tơnguh uă gơnoar bơh Quốc hội 2 lơgar dê.