Broă lơh geh sồr lơh tàm gùt lơgar tàm tơngai 10 nam bơh nam 2026 tus 2035, nàng bơsong ală bơta geh nùs nhơm kwơ màng, ală gah broă, ală tiah bè rơcang kơrian mờ ma túy mờ rơcang kơrian tìs. Kờp jơh priă lơh Broă lơh tơngai bơh nam 2026 tus 2030 kờp dŭ là rơlao 45 rơbô 301 tơmàn đong, kờp dŭ kờp jơh priă lơh Broă lơh tàm tơngai bơh nam 2031 tus 2035 là di pơgăp rơlao 18 rơbô 151 tơmàn đong.

Khà mùl màl tus nam 2030: pah nam, gơmù khà cau ngir ma túy, cau ngui ờ di mờ adăt boh lam ma túy; lơh ngan tus nam 2030 geh ờ uă ngan 50% khà sàh, sơnah ƀòn, tiah is ồn tàm gùt lơgar ờ geh ma túy. Pơgồp jơnau đơs bè tơngu me do, ồng Trần Thanh Mẫn, Chủ tịch Quốc hội ring bal mờ gùng dà broă lơh bơh broă lơh do dê, mơya jăt Chủ tịch Quốc hội đơs, bơta kwơ màng là broă lơh bè lơi nàng geh cồng nha, bơh cồng nha do lơh geh cồng nha mùl màl là gơmù tìs tàm jơh ală gah broă.