Đơs pơndŭt pơrjum, ồng Tô Lâm, Tổng Bí thư, Chủ tịch lơgar sồr pal geh bơta kơ̆p kờñ ngan mờ jơh nùs lơh ngan ai Việt Nam gơgơs dùl tiah tờm logistics, tiah tàm ntrờn mờ tam pà phan kă bro kwơmàng bơh kơnhoàl ù tiah do mờ dunia dê.

Tổng Bí thư, Chủ tịch lơgar sồr ală ƀộ, gah, ƀòn lơgar lam lơh ndrờm bal ală kơnòl broă, sền swì gĭt nền loh anih lơh broă drơng lơh, tơngai pơrgon lơh, kơnòl…Tàm hơ̆ ai lài tă bơsong mơ tơn ală anih gơkòl bè tàm tơrbŏ phan bơna bơ̆t bơtàu, sền swì mìng gah, rơndăp ù tiah tiah tờm logistics mờ tam pà jơnau tơnggĭt. Jăt Tổng Bí thư, Chủ tịch lơgar đơs, jơnau kờñ là rơhời ai priă tă logistics mờr geh ndrờm mờ khà kờp bal bơh kơnhoàl ù tiah do mờ dunia dê, tơngguh uă bơta niam drơng broă sa priă, gơguh tai bơta kwơ tàm lơgar mờ lơh niam gơnoar broă Việt Nam dê tàm mpồl logistics kơnhoàl ù tiah do.