VOV.K’Ho- Nam bơsram 2026 - 2027, Hìu bơsram Kâp 1, Kâp 2, Kâp 3 ơm sa bic tơn Niam chài Kwang àng làng bol II bơh Ƀộ Kwang àng dê tàm càr Dăk Lăk rò ală kơnòm bơsram sơn rờp. Lời ai kơnòm dềt geh rài kis kal ke, oh kòn làng bol jơi bơtiàn dồ êt nă cau, hìu bơnhă dờp bơta dong kờl bơh mpồl bơtiàn, hìu bơnhă rƀah, ndrờm bè cau rƀah dê in, hìu bơsram pa ờ mìng lơh geh anih bơsram sră, pơlam tàp lơngap lơngai, duh rơngòt jơnau pal jat mờ gam lơh geh tai tŭ niam nàng ală oh pơn jat tai lòt bơsram, lòt jat bơta kơp kờñ he dê.

VOV.K'Ho- Di dơ̆ tus còp kấp Dà lơgar tus lơgar Nga jăt jơnau jà bơh ồng Vladimir Putin, Kwang atbồ lơgar Nga dê, tàm càr lơgar Moskva, ồng Tô Lâm, Tổng Bí thư, Chủ tịch lơgar bal mờ Pơ-ùr mờ mpồl kwang bàng ala măt kấp dờng lơgar Việt Nam neh tìp măt kwang bàng, cau lơh broă tàm Anih lơh broă ala măt mờ mpồl bơtiàn cau lơgar Việt Nam tàm lơgar Nga.

VOV.K'Ho- Ngai òr (08/09), Mpồl đơng lam tàp ling Ling tiah 5 sơn đờm bơyai lơh tàp ling tiah rơcang gàr lài càr Dăk Lăk nam 2026.

VOV.K’Ho- Tàm tơngume dơ̆ lòt còp ngan ngồn lơgar Hàn Quốc, drim ngai 08 nhai 9, ồng Trần Thanh Mẫn, Chủ tịch Quốc hội neh wă ồng Moon Jin Seok, Chủ tịch Mpồl Nghị sĩ Lơh bơyô bal Hàn Quốc - Việt Nam.

VOV.K’Ho- Anih duh broă Làng bol càr Quảng Ngãi pa ai lơh jat broă rơndăp lơh lơh niam wơl, tơnguh Sơñio khà pràn jak tàm pơrlòng kấp càr (PCI) tơngai bơh nam 2026-2030.

VOV.K'Ho- Tơngai bơh nam 2026 – 2039, pơlam gùng tus nam 2045, càr Dăk Lăk ơn jơnau kờñ ai lơh sa sồ tă pơgồp bơh 30% kờp jơh phan bơna lơh geh jơh gùt càr (GRDP) rlau hơđăng, gơgơs dùl bơta pràn gơn kơnờm gơguh tai pa.

VOV.K’Ho- Tàm dơ̆ lòt còp kâp Dà lơgar tus Lơgar ală ƀang Nga, mho ngai 07/9, tàm càr lơgar Moskva, ồng Tô Lâm, Tổng Bí thư, Chủ tịch lơgar wă Chủ tịch Đảng Cộng sản lơgar ală ƀang Nga ồng Gennady Zyuganov.

VOV.K'Ho- Mho òr (07/09), tàm càr lơgar Seoul, tàm dơ̆ tus còp mùl màl lơgar Hàn Quốc, ồng Trần Thanh Mẫn, Chủ tịch Quốc hội tìp măt cri bơyai mờ mò Han Seong Sook, Thủ tướng lơgar Hàn Quốc.

VOV.K’Ho- Dờp jơnau jà bơh ồng Cho Jeong Sik, Chủ tịch Quốc hội lơgar Hàn Quốc mờ pơ-ùr, ồng Trần Thanh Mẫn, Chủ tịch Quốc hội mờ pơ-ùr còp ngan ngồn lơgar Hàn Quốc bơh ngai 06 tus ngai 09/9/2026.

VOV.K’Ho- Ia Ly là ù tiah bềng bơhiàn kăc màng bơh càr Gia Lai dê. Tàm ală nam tam lơh, làng bol tiah do dùl nùs sền gàr ƀòn lơgar, pơgồp bal bơta pràn cau, bơta pràn phan bơna ai tam lơh in. Tŭ do, bơhiàn hơ̆ gam geh tàm pơr dờn mờ ală broă lơh pa tàm bơtàu tơnguh lơh sa, sền gàr niam chài mờ bơt bơtàu ƀòn lơgar.