Ală cau ala mat đơs uă broă lơh nàng ai niam chài gơ gơs gah lơh sa tờm, tă pơgồp 7% GDP tàm nam 2030; sồr đơs broă lơh rơwah broă lơh tờm tam gơl pràn, sền gàr gơnoar ngui phan bơh bồ tơngoh jak lơh gơs mờ ngui geh cồng nha ală bơta kwơ phan lời wơl bơhiàn niam chài is Việt Nam.

Ală cau ala mat đơs là, pal bơtơl broă lơh prap gàr ală ù tiah niam chài bè ờs, ală gah broă dong kờl lơh geh phan bơna. Niam chài mìng ngan ngồn gơ gơs dùl gah lơh sa mờ măi mok tờm tŭ bơsong geh bơta pràn bơceh lơh mờ bơta kă bro phan. Ală jơnau đơs kung sồr đơs geh broă lơh gĭt nền ală tơngume gơrềng tus gơnoar ngui phan bơh bồ tơngoh jak lơh gơs nàng pơn jờng ală cau tờm mờ jơh bal mpồl bơtiàn in tus bal bơceh lơh niam chài. Pơn rơ ngan bơh lơh sa mờ măi mok niam chài Việt Nam dê là bơceh lơh mpồl bơtiàn mờ adat do rơ̆p là broă lơh dong kờl ai bơta pràn jak bơceh lơh bơh làng bol dê bơh măi mok bơh Dà lơgar dê pà mờ pơgồp bơnah sền gàr gơnoar cau tờm lơh, gơnoar geh gơrềng.