Cau ala măt Quốc hội dan tơnguh sơnam geh chu jrào
Thứ ba, 13:00, 10/11/2026
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV.K'Ho- Pơn jăt tai pơrjum dơ̆ 2, mho òr (09/11), Quốc hội cri bơyai tàm hìu pơrjum dờng bè jơnau rơcang cih Adăt tam gơl, bơtơl ờ uă bơta tàm Adăt Kơnòm dềt, Adăt Cau koĕt kơl te, Adăt kham, sơm kòp, Adăt Sơnơm, Adăt cau dờng sơnam mờ Adăt Sră kham sơm kòp ờ sa priă mờ jơnau rơcang cih Adăt tam gơl, bơtơl ờ uă bơta tàm Adăt rơcang kơrian mờ bơta aniai bơh jrào.
Tơngu me geh uă cau ala măt sền gròi là sơnam geh blơi, chu jào. Đơs tus khà pah nam 100 rơbô nă cau gơtìp chơ̆t tài ñhŭ jrào; tàm 100 nă làng bol lơgar Việt Nam den geh tus 1 nă cau gơtìp chơ̆t tài ñhŭ jrào, geh ờ uă cau ala măt đơs tus mờ broă tơnguh sơnam geh blơi jrào tus 21 sơnam, sơn đờm bơh nam 2028.
Tŭ do neh geh 16 lơgar tàm dunia ngui jơnau geh ai do. Ală cau ala măt kung ring bal mờ jơnau geh ai kơrian tăc jrào tàm điện tử. Pơgồp jơnau đơs tàm 1 adăt tam gơl 6 adăt tàm gah lơh sơnơm, ală cau ala măt dan geh gùng dà broă lơh tơrgùm bal loh làng, ndrờm bal priă tăc jrào mờ phan lơh sơnơm.
Viết bình luận