Dơ̆ jàu sơlòng geh bơyai lơh tàm hìu is mò Nguyễn Thị Xuyến dê, đảng viên gam pơrjum tàm Chi bộ jơnum làng bol tiah drà 7, Đảng bộ sơnah ƀòn 2 Bảo Lộc. Tàm dơ̆ jàu pà, ồng Nguyễn Văn Quảng, Đơng lam bồ Anih cah rơña Làng bol dờng ngan rlau jơh dà lơgar đơs sùm, sơlòng 80 sơnam Đảng là phan pà dờng màng, cih dờp nùs nhơm dòn song, khin cha chính trị mờ ală tă pơgồp kơ̆ wền bơh cau đảng viên dê.

Do ờ mìng là bơta chờ hờp bơh cau dồ nă să is, hìu bơnhă lơm mờ gam là bơta pơn yờ să bơh Đảng bộ, gơnoar atbồ mờ làng bol càr Lâm Đồng dê. Đơng lam bồ Anih cah rơña Làng bol dờng ngan rlau jơh dà lơgar kơ̆p kờñ mò Nguyễn Thị Xuyến pơn jat tai sền gàr pràn kơl dang, lơh jat niam gơnoar lơh krơh ai ală rơnàng kwang bàng, đảng viên in.