Gơnoar atbồ sơnah ƀòn ai geh tiah niam nàng làng bol in ơm, dong kờl phan ngui phan sa mờ sồr geh mpồl lơh broă sền gàr phan bơna, bañ lời làng bol rê wơl tàm tiah ngòt rơngơ̆t tŭ trồ mìu dà tih dà cò ờ hềt soăt.

Jăt mờ hơ̆, ală tiah pal ntrờn, tàm hơ̆ geh: bơnơm Một, bơnơm Bà Hoả, Xóm Đăng, Xóm Đò mờ tiah Hải Minh. Nàng làng bol iang nùs ơm pleh, gơnoar atbồ sơnah ƀòn neh ai tiah niam nàng ntrờn, rơcang tơl phan sa, dà hùc, ồi tơ̆ bal mờ ală phan ngui ndai. Tềng đăp mờ trồ mìu sơr gam di gơlan gơtìp kal ke, sơnah ƀòn Quy Nhơn đơs is mờ càr Gia Lai đơs bal pơn jăt tai geh ai mpồl sền gàr ngai kung bè mang nàng sền gròi bơta gơlik geh bơh trồ tiah, sền gròi nền nòn ală tiah ngòt rơngơ̆t.