Dar pơrjum ai jơnau đơs bè broă mblàng lơh loh, cih dờp, tam gơl gơ wèt mờ mpồl 3 jơnau rơcang cih: Adat tàm pơrlòng giă (tam gơl), Adat tam gơl, bơtơl bàr pe bơta bơh Adat Ồs đèng dê; Adat tam gơl, bơtơl bàr pe bơta bơh Adat Bơcri priă dê; broă tam gơl nhàr ù tiah đah ƀòn dờng Hà Nội mờ càr Phú Thọ.

Ai jơnau đơs bè mpồl 3 jơnau rơcang cih: Adat tàm pơrlòng giă (tam gơl), Adat tam gơl, bơtơl bàr pe bơta bơh Adat Ồs đèng dê; Adat tam gơl, bơtơl bàr pe bơta bơh Adat Bơcri priă dê, ồng Trần Thanh Mẫn, Chủ tịch Quốc hội đơs sùm, jơnau kờñ lơh geh dut ndơl tŭ Quốc hội ring bal, jơnau yal cih dờp, mblàng lơh loh pal geh lơh sir. Đơs sùm, jơh bal 3 jơnau rơcang cih adat kuơmàng ngan, ồng Trần Thanh Mẫn tơngkah ờ lời gơlik geh bơta ờ niam, bơta kuơ mpồl gơmut tàm ală adat do, ờ di tài bơta kuơ is dùl nă cau, dùl mpồl lơi dê mờ broă tam gơl tàm do là tài bơta bơtàu tơnguh dà lơgar dê.