Tàm pơrjum bơyai, ồng Tô Lâm, Tổng Bí thư, Chủ tịch lơgar đơs nền kơ̆p kờñ pơn jat tai lơh kơ̆ kơl jăp, tơnguh gơnoar tàm tơngume lơh broă bal do, nàng kờñ lơh geh tai uă bơta kwơ geh ngan mờ kơ̆ kơnhăp ai làng bol 2 lơgar in. Lơh broă bal lơh sa, kă bro phan mờ bơcri priă ngan là bơta tờm pràn kơl dang ngan rlau jơh, là jrong kơnhăp kơ̆ tàm tơrbŏ bal 2 dà lơgar.

Việt Nam gam jơh nùs sơlơ tơnguh tai nàng bơta gĭt gơ̆p lơh broă bal do gơ gơs ring bal rlau tàm ală nam tus. Ồng Tô Lâm, Tổng Bí thư, Chủ tịch lơgar pà gĭt Việt Nam hơ gàr kơ̆ kơl jap chính trị - mpồl bơtiàn, lơh geh bơta iang nùs uă ngan rlau jơh ai tơl broă rơndăp lơh jŏ tơngai bơh mpồl lơh sa kă bro dê; lơh pràn tam gơl pràn kơrnoat boh lam, pơn jat tai kờp sền, tơrmù ƀà ală sră pơ àr gơnoar atbồ, bơsong ală “bơta gơ kòl” nàng bơt bơtàu dùl adat boh lam song dơ pă, ring bal, sền gàr gơnoar mờ bơta kwơ di mờ adat boh lam bơh ală cau bơcri priă dê; tăc bro tơl làm, kơ̆ kơl jăp ồs đèng, dà, phan bơna viễn thông, ù tiah niam mờ mpồl cau lơh broă.