VOV.K'Ho- Mho ngai 14/07, tàm Hìu duh broă Đảng Dà lơgar, ồng Tô Lâm, Tổng Bí thư, Chủ tịch lơgar đơng lam dơ̆ lơh broă mờ ală anih lơh broă geh gơrềng bè Broă rơndăp lơh jŏ jòng bơtàu tơngguh lơh sa mờ măy mŏk gùng dà lềng dà lơgar dê.

VOV.K'Ho- Mho ngai 14/07, Anih duh broă Làng bol càr Gia Lai bơyai lơh Pơrjum sền đơs broă lơh sa – mpồl bơtiàn 6 nhai bồ nam mờ lam lơh jăt kơnòl broă 6 nhai lồi nam 2026.

VOV.K’Ho- Lòt bal mờ broă lam lơh gơl gùng rơndeh lòt mhar Quy Nhơn - Pleiku, càr Gia Lai Lai gam tơrgùm lơh sir 9 tiah ơm kis pa jat kềng gah gùng do nàng jàu ù ai làng bol in tàm nhai 7 do tơn. Broă lơh mhar tơngai hơ pơrgon ờ mìng dong ală hìu bơnhă làng bol gờñ gàr kơ̆ rài kis mờ gam tă bơsong bơta gơ kòl bè ai ù lơh rơndap broă, lơh gơlik bơta niam nàng rơndap broă lơh kuơmàng dà lơgar dê geh lam lơh ndrờm bal, di broă rơndap lơh.

VOV.K’Ho- Mho òr (14/07), tàm sơnah ƀòn Việt Trì, ồng Lê Minh Hưng, Thủ tướng Chính phủ đơng lam dơ̆ lơh broă mờ Mpồl Lơh kơnòl broă sùm Tỉnh uỷ càr Phú Thọ bè broă lam lơh kơnòl broă bơtàu tơnguh lơh sa - mpồl bơtiàn mờ jơnau kờñ bal gơguh tai 2 nơm khà.

VOV.K’Ho- Càr Dăk Lăk tơlik jơnau kờñ tơrmù bơh 30% hìu bơsram dà lơgar, mờ kung rơndap tap sèng 24 Asnih tờm bơto bơtê broă lơh - bơto bơsram sùm gam 9 hìu bơsram lài mờ nam bơsram pa.

VOV.K'Ho- Ală nha bồng bi Dà lơgar gơ par lĭp lơ̆p tềng gơl gùng pa geh sòl àng mờ đèng măt tơngai, ƀlàng nhơl bơlai kơno nggồr chờ săp ñŏ nhơl halà ală broă lơh geh kwơ ai kơnòm dềt rƀah in…là ală broă niam mờ rơnàng kơnòm să dê lời wơl tàm Broă lơh dờng Ơruh pơnu lơh broă dong kờl is kàl rlô bơkang tàm tiah nhàr lơgar càr Dăk Lăk. Bơh ală broă lơh bơ̆t bơtàu dềt mơya dipal mờ jơnau kờñ ngan ngồn, pràn kơnòm să gam tă pơgồp lơh tam gơl muh măt ală ƀòn tiah nhàr lơgar.

VOV.K'Ho- Đơs tàm dơ̆ đơng lam tàm Dar pơrjum dơ̆ 2 Mpồl Sồr lơh Dà lơgar dê bè bơtàu tơnguh niam chài lơgar Việt Nam, ồng Tô Lâm, Tổng Bí thư, Chủ tịc lơgar dùl dơ̆ tai đơs nền tus mờ nùs nhơm đơng lam, jơnau kờñ, nùs nhơm kơlôi sơnơng bal mờ jơnau kơ̆p gơn bơtàu tơnguh neh geh cih loh làng tàm Jơnau lơh nền tàm pơrjum sồ 80 bơh Bộ Chính trị dê.

VOV.K’Ho- Dùl tiah tơrlah pơng gàr hơ hơđang ngòt rơngơ̆t tàm koèl kơh Prenn- Gùng dờng dà lơgar 20, mpồng mut tiah đah Jum mut tàm anih tờm Dà Làc, càr Lâm Đồng dê gam geh anih lơh broă geh gơnoar bơsong nàng kơryan bơta tơrlah gơ hoài ù tàm kàl mìu dà tih dà lìu.

VOV.K’Ho- Di dơ̆ tơnkah 79 nam Ngai Cau ling sồt să - Cau ling chơ̆t màng, drim òr (14/07), tàm Ƀlàng tơ̆p ƀồc cau ling chơ̆t màng anih tờm càr Lào Cai, Mpồl lơh broă Dà lơgar bơh ồng Lê Minh Hưng, Thủ tướng Chính Phủ lơh Kwang lam bồ mpồl neh tus chu ñàng, pơdơng bơkào kah kơlôi ală Cau ling khin cha jak chài, cau ling chơ̆t màng.

VOV.K’Ho- Mho òr (13/07), tàm Hà Nội, ồng Tô Lâm, Tổng Bí thư, Chủ tịch lơgar lòt còp, lơh broă tàm Cục Cảnh sát atbồ hìu jàm, anih bơto bơtê pal lơh, hìu bơsram bơto pơlam nùs nhơm, Ƀộ Kwang àng.