VOV.K’Ho- Ngai 17/9, tàm ƀòn dờng Nam Ninh, Tiah atbồ is kòn cau Choang Quảng Tây, lơgar Lo, ồng Phạm Gia Túc- Phó Thủ tướng Duh broă sùm Chính phủ lam bồ mpồl kwang bàng Việt Nam tus bal dơ̆ sơnđờm mut lơh Drà Lo mờ Asean (CAEXPO) mờ pơrjum kấp dờng Kă bro phan mờ Bơcri priă Lo mờ Asean (CABIS) dơ̆ 23.

VOV.K’Ho - Ală ngai do, mìu sùm mờ ngơr bam dà, gùng lòt gơtìp dà wềl jơh neh sơn đờm gơlik geh, yal tơnggit lài nhai mìu dà tih dà lìu neh mut tàm tŭ tơngai ngòt rơngơt. Tàm ală sàh tiah đah mat tơngai lik càr Dăk Lăk, làng bol mờ gơnoar atbồ ală kâp neh crăp rơcang uă broă rơndap lơh, kràñ cê ờ lời gơtìp rơmơp ndơl, nisơna tềng đap trồ tiah lơh aniai.

VOV.K’Ho- Ngai 17/9, tàm thôn Ân Niên, sơnah ƀòn Tuy Hòa, Anih duh broă Làng bol càr Dăk Lăk bơyai lơh sơnđờm ai mut ngui 100 hìu pơrjum mpồl bơtiàn pơgồp bal mờ rcang pleh dà tih dà lìu.

VOV.K'Ho- Tàm Cơl dŭ lơh broă Đảng Dà lơgar, ồng Tô Lâm, Tổng Bí thư, Chủ tịch lơgar đơng lam dar pơrjum bơh Mpồl Sồr lơh Dà lơgar dê bè tơn jơh mùl màl mờ kơlôi sơnơng tam gơl, bơtơl Bơta pal jăt Đảng dê.

VOV.K'Ho- Mho òr (16/09), tàm Hìu lơh broă Chính phủ, ồng Lê Minh Hưng, Thủ tướng Chính phủ đơng lam Dar pơrjum mìng dùl tơnguh me bơ̆t bơtàu adăt boh lam nhai 9 nam 2026, sền sơwì, pơgồp jơnau đơs gơwèt mờ 08 jơnau rơcang cih adăt boh lam, jơnau lơh nền tàm pơrjum nàng rơcang yal Dar pơrjum dơ̆ bàr, Quốc hội khoă XVI.

VOV.K’Ho- Ngai 16/9, Sền gàr rềs àr mpồl bơtiàn càr Dăk Lăk bơyai lơh Pơrjum mblàng yal Bơta 215 Adat lơh glài tìs kup màng bè tìs blơ̆ blac sră kham sơm kòp ờ sa priă.

VOV.K’Ho- Mho ngai 16/9, tàm Hìu Quốc hội, ồng Tô Lâm- Tổng Bí thư, Chủ tịch lơgar, Lam bồ Mpồl Lòt sền, jat sền sồ 218 bơh Bộ Chính trị dê neh đơng lam pơrjum ring bal jơnau rcang cih Yal cồng nha lòt sền, jat sền dơ̆ 3 gơwèt mờ Mpồl Lơh kơnòl broă sùm Đảng ủy Quốc hội.

VOV.K’Ho- Drim òr (16/09), tàm Hìu bơsram kơlôi sơnơng Chính trị Dà lơgar Hồ Chí Minh, ồng Lê Minh Hưng, Thủ tướng Chính phủ cribơyai mờ mblàng wơl mìng dùl tơngume bè “Tơnguh pràn jak đơng lam lơh jat Chính phủ dê lơh gơlik bơta tam gơl pràn ai bơtàu tơnguh mhar, kơnhăp kơ̆ mờ gơguh tai bàr nơm khà” ai ală cau bơsram ơdŭ bơto pơlam, yal jơnau git wă gơ wèt mờ Kwang geh jơng Mpồl duh broă Đảng dà lơgar khoă XIV - Ơdŭ dơ̆ 2.

VOV.K’Ho- Lam lơh Broă lơh dờng 500 ngai mang, drim ngai 16/9, Mpồl sồr lơh bè lòt jòi, rồ tơrgùm mờ đal git mat ƀồc ntìng cau chơt màng (Mpồl sồr lơh 515) càr Dăk Lăk bơyai lơh ai cau lơh broă, jàu kơnòl Mpồl K51 in lam lơh kơnòl broă lòt jòi, rồ tơrgùm ƀồc ntìng cau chơt màng ling dong kờl is mờ cau geh jơnau git wă jrô lơgar Việt Nam chơt phi să tàm lơgar Campuchia, kàl prang nam 2026 - 2027.

VOV.K'Ho- Càr Dăk Lăk gam mŭt tàm tơngai kàl mìu dờng, bơta di gơlan gơtìp mìu sơr dà tih dà còp ờ git lài. Tơnơ̆ mờ dà tih dà cò dờng ngan nhai 11 nam 2025 lài do, tàm ală tiah thòng tàm càr Dăk Lăk, broă rơcang neh gơs broă lơh rơcang lài ngan. Bơh tàm tŭ do, broă gàr niam phan bơna mờ ai cau bơh tàm ƀòn nàng rơcang pleh lài mờ rềs àr bơh trồ tiah bal mờ dong kờl cau gơtìp rềs àr neh geh lơh jal mhar.