VOV.K’Ho- Drim òr (07/09), tàm Hà Nội, Đảng ủy ală anih lơh broă Đảng Dà lơgar bơyai lơh Pơrjum Mpồl Lơh kơnòl broă sùm Đảng ủy nhai 8.

VOV.K’Ho- Bal mờ kơnòm bơsram gùt lơgar, gĭt nđờ rơbô nă kơnòm bơsram tàm ală ù tiah sar lơgar ngài ngan rlau jơh Dà lơgar tờm dê kung cơnđoà mut tàm nam bơsram pa. Bơh ală sàh tiah nhàr lơgar Tây Nguyên tus ală tiah bồt bơlào sền gàr nhàr lơgar Trường Sa, săp ntas sơnggơr sơnđờm mut nam bơsram pa mpông dờng, sơnđờm dùl nam bơsram pa mờ uă bơta kơ̆p kơnờm.

VOV.K'Ho- Ngai òr (06/09), đơs tàm Anih cribơyai Lơh broă bal càr, ƀòn dờng đah lơgar Việt Nam mờ Nhật Bản nam 2026 geh bơyai lơh tàm ƀòn dờng Huế, ồng Lê Minh Hưng, Thủ tướng Chính phủ đơs nền, lơgar Việt Nam mờ lơgar Nhật Bản là ală lơgar gơguh tai uă mờ lơh tờm is broă kwơ màng.

VOV.K'Ho- Tỉnh ủy càr Dăk Lăk pa bơyai lơh Pơrjum tìp măt kwang bàng rơndăp broă tàm Mpồl đơng lam, Mpồl lơh kơnòl broă sùm Tỉnh ủy mờ ală gơnăp gơnoar đơng lam tờm càr dê, tơngai lơh broă bơh nam 2025 tus 2030, bơh nam 2026 tus 2031.

VOV.K’Ho- Bơta sền gròi bơh đơng lam Đảng, Dà lơgar dê gơ wèt mờ bơto bơsram tiah kal ke geh ai tơnggŏ loh ngan tàm ngai sơn đờm mut nam bơsram pa 2026 - 2027, tŭ đơng lam kâp dờng tus bal tơn dơ̆ bơyai lơh, pơn jờng pơgru mờ kơnòm bơsram tàm ală ƀòn lơgar tiah nhàr lơgar, tiah kơh bơnơm, dà lềng, bồt bơlàu.

VOV.K’Ho - Dờp jơnau jà bơh ồng Vladimir Putin, Kwang atbồ lơgar Nga dê, ngai do (07/9), ồng Tô Lâm, Tổng Bí thư, Chủ tịch lơgar mờ Pơ ùr bal mờ Mpồl cau ala mat kâp dờng lơgar Việt Nam bơh Hà Nội lòt gùng còp kâp Dà lơgar tus Lơgar ală ƀang Nga.

VOV.K'Ho- Tơnơ̆ lơh jăt tơmŭt bal, càr Lâm Đồng pa geh bă brê lam bồ gùt lơgar bal mờ rlau 1 tơlak 100 rbô lồ. Tàm uă ƀòn lơgar tàm càr, kra ƀòn, cau geh bơngă pin dờn tiah jơi bơtiàn dồ êt nă cau geh gơnoar broă dờng màng ngan tàm sền gàr bơtàu tơngguh brê. Khi ngan là “tồr măt” bơh mpồl cau sền gàr brê mờng chài ngan, kung là ală cau să tờm tơn gàr brê tàm ală kơnhoàl ù tiah neh geh jàu bă.

VOV.K'Ho- Tàm sùm rlau 80 nam do, jơnau đơs bơh Anih Jơnau đơs Việt Nam dê neh tus mờ làm bă tiah Dà lơgar tờm dê, lòt bal mờ làng bol ală jơi bơtiàn. Mờ jơnau đơs pờ mờ dà K’Ho, gùng lòt 25 nam hơ̆ gam pơn jăt tai pờ tàm ù tiah internet, nàng jơnau đơs VOV dê mờ dà đơs jơi bơtiàn dê ờ mìng tus rềp rlau mờ làng bol, mờ gam pơgồp bơnah prăp gàr jơnau đơs, niam chài K’Ho dê tàm rài kis ngai do.

VOV.K’Ho - Nam bơsram pa do, càr Lâm Đồng geh rlau 830 rbô nă kơnòm bơsram, tàm hơ̆ rlau 182 rbô nă kơnòm bơsram jơi bơtiàn dồ êt nă cau. Tàm tiah sar lơgar ngài, tiah làng bol jơi bơtiàn dồ êt nă cau, bơta rơcang ai nam bơsram pa in bal mờ ală hìu bơsram geh bơcri priă lơh dờng niam, bơta jơh nùs pơgru dê, là bơta tam gơl loh làng ngan tàm bơta git wă ală hìu bơnhă dê. Jơh ală gam lơh gơs dùl nùs nhơm pa nàng kơnòm bơsram tiah kal ke in pin dờn mut tàm nam bơsram pa mờ uă tŭ niam bơsram sră, dờng pràn mờ brồ guh.

VOV.K'Ho- Nam bơsram pa 2026 – 2027, ală hìu bơsram bal ơm sa bĭc tơn ală kâp tàm ală sàh nhàr lơgar đah măt tơngai Mŭt, càr Gia Lai dê dồ ròt mŭt lơh broă, wă rlau 6 rbô 800 nă kơnòm bơsram. Do là dơ̆ sơnrờp uă kơnòm bơsram geh bơsram, sàu sa ơm kis mờ nhơl ñŏ tàm tiah ơm sa bĭc tơn wil tơl rlau. Ală ngai do, ală oh chờ hờp rơcăng tus klờng pa, ai mè bèp kơnòm bơsram kung iang nùs tŭ kòn geh pơgru sền gròi bơh broă bơsram tus ơm kis.