VOV.K’Ho- Drim òr (07/07), tàm Hà Nội, ồng Hồ Quốc Dũng, Phó Thủ tướng tus bal dơ̆ tơnkah 50 nam crơng gơs Anih kơlôi sơnơng Năng lượng nguyên tử Việt Nam.

VOV.K’Ho- Drim òr (07/07), tàm Hìu lơh broă Quốc hội, ồng Trần Thanh Mẫn, Chủ tịch Quốc hội wă ồng Tan Sri Mohd Dusuki Mokhtar, Ƀộ trưởng Ƀộ Sền gàr adat boh lam lơgar Malaysia bal mờ Mpòol lơh broă di dơ̆ lòt còp, lơh broă mờ Anih kơlôi sơnơng sền swì làng bol dờng ngan rlau jơh lơgar Việt Nam.

VOV.K’Ho- Drim òr (07/07), tàm Dà Làc, Hìu bơsram kơlôi sơnơng Ling tam lơh đang ù gờl bơyai lơh Dơ̆ tơnkah 80 nam Ngai bơhiàn mờ dờp Gai lòng sền gàr dà lơgar khà 1.

VOV.K'Ho- Mho òr (06/07), tàm Hìu lơh broă Chính phủ, ồng Lê Minh Hưng, Thủ tướng Chính phủ đơng lam Pơrjum dơ̆ bàr Mpồl duh broă Pơrlòng - Pơn jờng Dà lơgar.

VOV.K’Ho- Tus tŭ do, càr Gia Lai sền bal lơh sir broă rơndăp tăp sèng thôn, ƀòn, jơnum làng bol tiah drà jat broă rơndăp lơh, tơrmù bơh 2 rơbô 693 gơmù gam 1 rơbô 400 mpồl lơh broă, ndrờm mờ 48,01%. Tơnơ̆ tŭ tơmŭt bal, càr ờ mìng tơrmù niam bơh sơn rờp lơm mờ gam sền gròi tơl broă lơh pồ tơl kwang bàng mờ tơnguh cồng nha mpồl kwang bàng kấp hơđơm, gàr niam tơnơ̆ dơ̆ rơndăp tăp sèng, bulah ù tiah atbồ ơnàng rlau mơya gơnoar atbồ kung gam rềp làng bol, ơm bal mờ làng bol.

VOV.K’Ho- Mho òr (06/07), tàm Hìu lơh broă Chủ tịch, ồng Tô Lâm, Tổng Bí thư, Chủ tịch lơgar neh wă Kwang atbồ Anih lơh broă ala mat 5 ală lơgar Bồ Đào Nha, Iran, Mông Cổ, Mỹ mờ Myanmar tus yal sră Dà lơgar pơyua, ngan ngồn sơn đờm tơngai lơh broă tàm lơgar Việt Nam.

VOV.K’Ho- Mho òr (06/07), mpồl 4 hìu măi đèng càl tàm sàh Krông Buk mờ Pơng Drang, càr Dăk Lăk ngan ngồn lơh broă, pờ tơlik đèng mờ mut bal mờ gùng che đèng dà lơgar.

VOV.K’Ho- Tơnkah 80 nam Ngai bơhiàn mpồl Kwang àng Làng bol (12/7), 72 nam Ngai bơhiàn Mpồl Bơta chài măi mok lơh broă ờs mờng (01/7), drim 6/7, tàm Hà Nội, ồng Tô Lâm, Tổng Bí thư, Chủ tịch lơgar tus còp mờ đơng lam dơ̆ lơh broă mờ Anih tờm bơta chài măi mok lơh broă ờs mờng, Bộ Kwang àng.

VOV.K’Ho- Drim òr (06/07), tàm Hìu Quốc hội, ồng Trần Thanh Mẫn- Chủ tịch Quốc hội neh đơng lam Pơrjum Mpồl Lơh kơnòl broă sùm Anih duh broă Đơng lam Đảng Quốc hội ring bal tơnggơs Mpồl Kơlôi sơnơng mìng dùl tơngume gơwèt Anih duh broă Đơng lam Đảng Quốc hội mờ broă tơnggơs Kụk Tam gơl sồ gơwèt Cơldŭ lơh broă Quốc hội.

VOV.K’Ho- Drim òr (06/07), tàm Suơn bal Lê Thị Riêng, Anih duh broă Làng bol ƀòn dờng Hồ Chí Minh, Gah Đơng lam Ling tiah 7, Mpồl sồr lơh bè lòt jòi, rờ tơrgùm mờ đal git mat ƀồc ntìng cau ling chơt màng neh bơyai lơh Dơ̆ lam lơh lòt jòi, rờ tơrgùm ƀồc ntìng cau ling chơt màng tàm Suơn bal Lê Thị Riêng, sơnah ƀòn Hưng Hòa.