Ngai chờ tàm ƀòn Têng nam do pơgồp bal mờ lơh jat Ngai Niam chài Việt Nam nam 2026. Tàm ngai chờ, làng bol cribơyai bè broă bơt bơtàu mờng kwèng rài kis gơguh jak, sền gàr bơta tam klac bal tàm ƀòn. Bal mờ hơ̆, bàr pe hìu bơnhă làng bol sồr lam lơh tai ală broă lơh tơrlòng lài lơh sa geh cồng nha nàng làng bol lơh broă sa, cau ùr mờ ơruh pơnu in geh tai tŭ niam tơnguh priă lơh geh bơh tàm ƀòn tờm tơn.

Tàm ngai chờ, Chủ tịch Anih duh broă Làng bol càr Gia Lai ồng Phạm Anh Tuấn sồr làng bol rơhời tam gơl bơh lơh sa dềt, rah rài gơ gơs lơh bal mờ mpồl lơh broă bal, mpồl lơh sa kă bro nàng gơtùi pơgồp bal mờ lơh gơlik phan, tac phan lơh gơs bơh suơn sre; tơngkah kâp ủy, gơnoar atbồ sàh Biển Hồ kờñ pal pơn jat tai lơh sir phan bơna bơt bơtàu, hòi jà làng bol sền gàr kloh niam, prap gàr niam chài cing mồng mờ sền gàr kơ̆ lơngăp lơngai rơndap tap sèng.