Tơnơ̆ mờ tŭ iăt jơnau yal mờ jơnau đơs bơh ală mpồl lơh broă tơrlòng lài dê, Mpồl lơh broă neh hơ, bơto sồr bơsong ală kal ke, gơkòl tàm broă lơh. Sền bè cồng nha lơh jăt Jơnau đơs pơn dŭt sồ 107 bơh càr Dăk Lăk dê, ồng Hà Minh Hải, Phó Kwang lam bồ Mpồl Rơndăp broă Dà lơgar dờp ală broă lơh ngan bơh càr dê, tàm hơ̆ uă ngan là ală mpồl lơh broă, ală sàh, sơnah ƀòn geh rơwah lơh tơrlòng lài.

Nàng broă lơh jăt Jơnau đơs pơn dŭt sồ 107 tàm tơngai tus lơh geh cồng nha uă jăt di mờ jơnau sồr bơh Dà lơgar dê, Phó Kwang lam bồ Mpồl Rơndăp broă Dà lơgar sồr lơh jăt di mờ tơngai bal mờ bơta niam, tàm hơ̆ geh bơta niam jơnau yal tơngit mờ bơta niam jơnau yal. Jơh ală jơnau yal là broă lơh lài ngan bơ̆t bơtàu jơnau yal tơngit, nàng tàm tơngu me hơ̆ gơtùi bơ̆t bơtàu broă rơndăp lơh tơrgùm bal tàm jơnau yal dŭt ndơl.