Đơs tàm ngai chờ, ồng Tô Lâm, Tổng Bí thư, Chủ tịch lơgar sồr kờñ pal lơh niam gơnoar broă bơh Mặt trận, ală mpồl lơh broă geh jơng, cau kơ đơng yàng mờ cau geh bơngă pin dờn dê tàm gàr kơ̆ nùs nhơm tam klac bal bơh kâp hơ đơm. Tàm hơ̆, Mặt trận pal rềp làng bol, wă làng bol, lơh niam gơnoar broă bơtòm tơrgùm mờ ala mat ai bơta kơp kờñ dipal Làng bol dê in. Ồng Tô Lâm, Tổng Bí thư, Chủ tịch lơgar kơp kờñ ală cau kơ đơng yàng, cau dong broă, cau jat yàng Phờk mờ cau geh bơngă pin dờn pơn jat tai ngui bơta gơ rềng niam he dê tàm bơto bơtê nùs nhơm, dong kờl bơsram, tơrña gơ rờm bal, lơh broă niam mờ tàm tơrbŏ bal mpồl bơtiàn.

Ồng Tô Lâm, Tổng Bí thư, Chủ tịch lơgar đơs là, ală jơnau bơceh lơh bal đah làng bol ală jơi bơtiàn, ală gah jat yàng kờñ pal geh pơn jờng nàng nùs nhơm tam klac bal ngai sơlơ kơ̆ kơljap bơh ală broă lơh bal, ală kơnòl tam pà bal.