Bàr nă đảng viên geh jào pà Sơlong 80 nam sơnam Đảng dơ̆ do là ồng Nguyễn Đức Chung, 102 sơnam, tàm ƀòn Vạn Thọ, sàh Vạn Phú mờ mò La Thị Hoa, 97 sơnam, tàm jơnum làng bol tiah drà sồ 9, sơnah ƀòn Tích Lương.

Tàm ală hìu, Đại tướng ồng Phan Văn Giang đơs nền, Sơlong 80 nam sơnam Đảng là jơnau dờp tàm broă lơh ngan, bơsram tàp mờ lơh broă sùm bơh tơl nă đảng viên dê, mờ là nùs nhơm pơnyờ să bơh hìu nhă, jơi nòi, ƀòn lơgar bal mờ mpồl đảng tàm ƀòn lơgar dê. Đại tướng kơ̆p kờñ ală đảng viên dờng sơnam pơn jăt tai sền gàr bơta pràn kơl dang să jan, tơnguh nùs nhơm niam kăc màng, kơ̆ dơn chính trị, là cau lam lài nàng kwang bàng, đảng viên, tàm hơ̆ uă ngan là rơnàng kơnòm să in bơsram, đờm jăt bal.