Tơngai pa do, Mpồl Duh broă jơi bơtiàn bơh Quốc hội mờ 3 anih lơh broă kĭ jơnau pal jat pơgồp bal neh jat nền gơnoar broă, kơnòl broă bơh tơl anih lơh broă mờ tơngume jơnau pal jat nàng lam lơh ală bơta broă lơh, sền gĭt tơngume, kơnòl mờ broă lơh pơgồp bal di pal, dong ală anih lơh broă in rcang lài tàm broă tàm yal tơngĭt jơnau, tus bal lơh adat boh lam, jat nền, lòt sền mờ geh jơnau đơs broă lơh. Broă lơh pơgồp bal do neh cèng wơl ală cồng nha geh ngan, pơgồp bơnah sền gròi rài kis phan bơna, nùs nhơm bơh làng bol jơi bơtiàn dồ ết nă cau dê.

 Đơs sồr lơh tàm Pơrjum, ồng Trần Thanh Mẫn- Chủ tịch Quốc hội đơs là, broă lơh pơgồp bal nàng kờñ pơn jat tai sơlơ tơnguh tai pơgồp bal broă lơh lơh adat boh lam, sền sơ wì, jat sền mờ atbồ Dà lơgar; bơtơl cơng tàng lơh sir broă lơh, tă bơsong kal ke tàm lam lơh jat gơwèt mờ tiah làng bol jơi bơtiàn dồ ết nă cau, tiah kơh bơnơm, tiah nhàr lơgar; bơsong ală bơta ờ niam tàm broă lơh pơgồp bal bơh lài tus tŭ do; lơh jat geh cồng nha rlau tai tàm broă yal jơnau yal mờ jat sền lơh jat; lơh geh jơnau sồr, kơnòl broă bơh tơl anih lơh broă, mpồl lơh broă dê tàm tơngai tus.